Mateo 1:18 - A Nitana Vure

¹⁸ A nipodane Isu Kristo i bele maea: E kinana, e Maria, ni habikari ne Iosep ge girihina. Pali i uka ma ru parangi ma, ni matakilaka vona i singou na Hanu Kiripiripi.

Mateo 1:18 Iomraidhean Croise

A Vuhuna 3:15

Bara ioe a pile na ngatavine, e huriki a hamomu ranga bara ria a pile na hamona ngatavine. A hamona ngatavine bara i paha momo a gimu, pali ioe bara o kara tatea a vahana.”

Mateo 1:1

E huriki a vuhune Isu Kristo, a hamone Davit, a hamone Abraham.

Mateo 12:46

E Isu i tabana ni ta turane huriki, e kinana e tarina mai ri pesi polovavo, ri ngaru ni ta turana.

Mateo 2:11

Na tahuna to bele na ruma, to masia a koma turana e kinana e Maria, lakea to turume puru, to kavurikea e Isu. To bole tala na tava ne tou a mahala, to vakaparua na gol, a buluka mangisipa ni gale a insens tara, a mir tara.

Lukas 1:25

“Ngane e Bakovi Dagi i rata a rabu kamumu nau, i kori iau ga tahoka e tugu. I puga vuroki a nimaruhu nau na matane huriki a bakovi a ngatavine.”

Lukas 2:5

I hamule lokovonga turane Maria, ru gu here puru a rane rua, a vuhuna e Maria ni habikari vona. E Maria i singou,

Vinara 22:23

“Na tahuna mu masia tara bakovi i mahita turana a ngatavine ni habikari pali na bakovi tara,

Hibru 10:5

I mavonga, na tahuna e Kristo i puru valai na malala, i ta maea, “I uka ma o ngaru a nihabi, a nitabari. Pali o kisi purua a kakaigu.

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.