Lukas 9:5 - A Nitana Vure

⁵ E rei a tanga i uka ma i tagui mua, mu kurudu pasi a habulo na vahane mua, mu ha taroa, bara i vakasiri ria ri tahoka a ngava.”

Lukas 9:5 Iomraidhean Croise

Mateo 10:18

Bara ri turari mua mu pesi na matane huriki a matakari, a hariki a vuhuna mu ramai iau. I mavonga e huriki nga, turana e huriki i uka ma ria a Iuda, bara mu vakalongo ria vona a maki mu matai iau a rata, a ngava a taki.

Markus 6:11

A tanga tara i uka ma ri tagui mua, i uka ma ri longo mai mua, mu kurudu pasi a habulo na vahane mua, mu vano. Mu rata mavonga, bara i vakasiri ria ri tahoka a ngava.”

Markus 9:37

“E rei a viri i tagui a koma kiroko maea na ragu, i tagui iau. E rei a viri i tagui iau, i taguia ra viri i rudu iau a valai.”

Lukas 10:16

“E rei a viri i longo mai mua, i longo mai iau. E rei a viri i marikoi mua, i marikoi iau. E rei a viri i marikoi iau, i marikoi vona ra viri i rudu iau a valai.”

Lukas 5:14

Lakea e Isu i taki tora ia, i ta maea, “Naha ni vakalongoa tara viri. Pali o vano, o vakasiri ioe na prister, o habi a nihabi na viri ni vakamatapado, ge manga a hini e Moses i here puru hosi. O rata mavonga, e huriki ri gi matakilaka vona ioe ni vakamatapado pali.”

Lukas 9:4

E rei a tanga mu dili vona, mu made na ruma ge taku kunana.

Lukas 9:48

Muri i taki ria, i ta maea, “E rei a viri i taguia a koma kiroko maea na ragu, i tagui iau. E rei a viri i tagui iau, i taguia ra viri i rudu iau a valai. E rei a viri a bakovi tavula ne mua lobo, ia kunana a viri bara i muga ne mua.”

Apostolo 13:51

Lakea ru kurudu pasi na vahane rua a habulo ru gu vakasiri ria a Vure ge pelekado ria. Muri ru vano, ru lakea o Ikonium.

Apostolo 18:6

Pali e huriki a Iuda ri hehea, ri harogia e Paulus. Lakea i madihi a hatena, i kurudu pasi a habulo na varakia vona, i taki ria, “Mua bara mu velu, naha ni padi virihi iau na ngava! A maki mua. Ngane ga vakalongo a Velenga Kamumu ne huriki i uka ma ria a Iuda.”