Lukas 9:48 - A Nitana Vure

⁴⁸ Muri i taki ria, i ta maea, “E rei a viri i taguia a koma kiroko maea na ragu, i tagui iau. E rei a viri i tagui iau, i taguia ra viri i rudu iau a valai. E rei a viri a bakovi tavula ne mua lobo, ia kunana a viri bara i muga ne mua.”

Lukas 9:48 Iomraidhean Croise

Mateo 18:10

“Naha ni biua tara viri ne huriki a koma kiroko nga, a vuhuna iau a taki mua, e huriki a agelo ne ria ri pesi vakaroro na matane Tata na hunu.

Mateo 18:14

I mavonga kunana, e Tamane mua na hunu i uka ma i ngaru ge velu a viri tara ne huriki a viri kiroko nga.

Mateo 19:28

E Isu i koli, i ta maea, “A taki muholi mua, muri ma na malala karaba, a Tuna Bakovi bara i made na nibagetu na gula hariki vona. Mua ranga e huriki mu muri nau, bara mu made na gula hariki i ravulu a polona i rua, bara mu pelekado a kabu ne Israel i ravulu a polona i rua.

Mateo 25:40

“A Hariki bara i koli, i ta maea, ‘A taki muholi mua, a ra maki mu rata virihi e huriki a turagu matasia vona, mu rata virihi iau.’

Mateo 25:45

“E Bakovi Dagi bara i koli, i ta maea, ‘A taki muholi mua, a maki i uka ma mu rata virihi e huriki a turagu matasia vona, i uka mu rata virihi iau vona.’

Markus 9:37

“E rei a viri i tagui a koma kiroko maea na ragu, i tagui iau. E rei a viri i tagui iau, i taguia ra viri i rudu iau a valai.”

Lukas 10:16

“E rei a viri i longo mai mua, i longo mai iau. E rei a viri i marikoi mua, i marikoi iau. E rei a viri i marikoi iau, i marikoi vona ra viri i rudu iau a valai.”

Lukas 14:11

O rata mavonga, a vuhuna a viri i rata polo mugamuga, a Vure bara i vakamaruhua, pali a viri i vakakiroko ia, a Vure bara i kavurikea.”

Lukas 22:26

Pali mua, naha ni rata mavonga. E rei a viri i ngaru ni muga ne mua ge manga a viri kiroko ne mua. A viri i ngaru ni matakari ge manga a vora ne mua.

Lukas 22:30

Muri bara mu kani mu ninu turagu na harikianga nau, bara mu made na gula-hariki mu pelekado e huriki a kabu ne Israel ala ravulu a polona i rua.”

Lukas 7:28

“A taki mua, i uka tara viri koea na malala ge polomeli ne Ioanes. Pali a viri i manga a bakovi tavula pololilo na harikianga na Vure, i polomeli ne Ioanes.”

Ioanes 13:20

A taki muholi mua, e rei a viri i tagui e huriki a rudu, i manga i tagui iau. E rei a viri i tagui iau, i manga i tagui a viri i rudu iau a valai.”

Ioanes 14:21

E rei a viri i longo mai a nitagu, i ramai, ia a viri i ngaru iau. A viri i ngaru iau, e Tata tara i ngarua, iau tara a ngarua, bara vakasiri iau vona.”

1 Tesalonika 4:8

I mavonga, a viri i longotaroa a ngava iea, i uka ma i longotaro a ngavana bakovi kunana. I longotaro a nitana Vure, ra Vure i habi a Hanu Kiripiripi ne mua.

1 Petrus 5:6

I mavonga, mu vakakiroko mua polo­tano na nitora dagi na Vure. Muri, na parava i vulakia, bara i kavurike mua.

Kapiloho 21:14

A nure iea, ni hae langa na kedo i ravulu a polona i rua. A kedo takutaku nga, ni here a rana a apostolo takutaku na Tuna Sipsip ala ravulu a polona i rua.

Kapiloho 3:21

E rei a viri i mulangi, bara ratea ge made turagu na gula hariki nau, i manga a hini iau tara a mulangi hosi, a made turane Tata na gula hariki vona.