Lukas 9:44 - A Nitana Vure

⁴⁴ “Mu longo kamumu a maki ga taki mua vona. A Tuna Bakovi i tabukoi bara ni habi na limane huriki a bakovi.”

Lukas 9:44 Iomraidhean Croise

Mateo 16:21

Na parava iea e Isu i vakatubu ni vaka­longo e huriki a murimuri vona, ne ia ge sike o Ierusalem, ge bole a nimadihi i kupo na limane huriki a gare na lotu, a prister dagi, a mari na vinara na lotu. Muri bara ri rabalakia. Pali muri na parava i tolu, bara i mahuri mule.

Mateo 26:2

“Mu lohoka vona a Habu na Nipagepolo bara i bele muri na parava i rua. Na parava iea a Tuna Bakovi bara ni habi na limane huriki a pile. Muri bara ri paditatea na kai tavalavala.”

Markus 8:31

Muri e Isu i vakatubu ni vara ria na Tuna Bakovi bara i bole a nimadihi i kupo. E huriki a gare, a prister dagi, a mari na vinara bara ri marikoi vona. Muri bara ri rabalakia. Pali muri na parava i tolu, bara i pesi rike mule na matenga.

Markus 9:31

a vuhuna i tovo e huriki a murimuri vona. I taki ria, i ta maea, “A Tuna Bakovi bara ni habi na limane huriki a bakovi, ri gi rabalakia. Muri na parava i tolu bara i pesi rike mule na nimate.”

Lukas 1:66

E huriki lobo ri longoa a maki iea i bele, ri loho lege lae, ri vanana maea, “Ra koma iea, ge ia a bakovi navai ma?” Ri ta maea, a vuhuna ri lohoka vona a nitora ne Bakovi Dagi i tabuli vona.

Lukas 18:31

E Isu i tuli lakea na gaga a murimuri vona ala ravulu a polona i rua, i taki ria, i ta maea, “Ngane si gi sike o Ierusalem, lakea a ngava lobo e huriki a propet ri here puru virihi mai a Tuna Bakovi bara i bele muholi.

Lukas 2:19

Pali e Maria i luhoi kado a ngava nga, i ru na hatena.

Lukas 2:51

Pali e kinana i ru na hatena a ngava lobo i taki. Muri i vano turane rua to puru o Nasaret. I longototo kunana a ngavane rua.

Lukas 24:44

Lakea i taki ria, i ta maea, “Mu luhoi kado na tahuna a turane mua rira? A taki a maki ni here puru virihi mai iau bara i bele. Ra ngava lobo ni here puru na vinara ne Moses, na Hinere ne huriki a propet, na Linge.”

Lukas 9:22

“A Tuna Bakovi bara i bole a nimadihi i kupo. E huriki a gare, a prister dagi, a mari na vinara bara ri marikoi vona, ri rabalakia. Muri na parava i tolu bara i pesi rike mule na matenga.”

Ioanes 16:31

E Isu i koli a nita ne ria, i ta maea, “Ngane kunana mu luhoi iau!

Ioanes 16:4

A vakalongo mua vona muga, lakea na tahuna a parava iea i valai, bara mu luhoi mule a ngava a vakalongo muga vona. Muga i uka ma a vakalongo mua vona, a vuhuna a tabana ni made turane mua.

Ioanes 19:11

E Isu i koli, i ta maea, “A Vure a viri i habi a nitora vomu. Ia i uka ma ge habia vomu a nitora iea, i uka ma go tahoka a nitora ni rabalaki iau. Pali a viri i habi iau na limamu, a naro hale vona i dagi hateka na naro hale vomu.”

Apostolo 2:23

Re Isu, ni habi na limane mua, a Vure i lohoka vona muga, i ramai a ningaru vona. Mu paditatea na kai tavalavala na limane huriki a bakovi hale, i mate.

Hibru 2:1

I mavonga, si gi luhoi kamumua a ngava si longoa pali, ma si gi lohopilea.