Lukas 9:20 - A Nitana Vure

²⁰ Lakea e Isu i nana ria, “Pali mua, mu luhoi iau, ge iau e rei?” Lakea e Petrus i koli i ta maea, “Ioe e Kristo. A Vure i rudu ioe o valai.”

Lukas 9:20 Iomraidhean Croise

Mateo 22:42

“Mu luhoi navia e Kristo? Ia a hamone rei?” Ri koli, ri ta maea, “E Kristo a hamone Davit.”

Mateo 26:63

Pali e Isu i vulai mavonga. Lakea a prister dagi i nanea, “A taki ioe na rana Vure Mahuri, o vakalongo mia ngane, ioe e Kristo, a Tuna Vure?”

Mateo 5:47

Pali mua, mu gu tagui kunana e huriki e turane mua, a narone mua ge rangi navai a narone huriki ranga? E huriki na uvo, ria ranga ri rata mavonga.

Markus 14:61

Pali e Isu i uka ma i koli. I uka ma i takia tara ngava. Lakea a prister dagi tara i nana tabua, “I muholi ioe e Kristo, ioe a Tuna Vure, ra Vure si kavurikea?”

Markus 8:29

Lakea e Isu i nanea e Petrus, “Pali ioe, o luhoi iau ge iau e rei?” E Petrus i koli, i ta maea, “Ioe e Kristo.”

Lukas 22:67

“Ge ioe a viri ni gale e Kristo, ra viri ge korimule e huriki, o vakalongo mia ngane.” E Isu i koli ria, i ta maea, “Bara vakalongo mua, i uka ma mu gu longo mai iau.

Lukas 9:19

Ri koli ri ta maea, “E huriki ranga ri taki ioe, ta ioe e Ioanes, a mari ni vahilolo. Pali e huriki ranga ri taki ioe, ta ioe e Elaisa. Pali e huriki ranga ri taki ioe, ta ioe a propet hosi tara i mahuri mule tabu.”

Ioanes 1:41

E Andreas i malaviriri kunana i vano, i matavisia e tukana, i vakalongoa, i ta maea, “Miri matavisia e Mesaia” (re Kristo).

Ioanes 1:49

Muri e Nataniel i ta maea, “Mari ni tovo, ioe a Tuna Vure, ioe a hariki ne Israel.”

Ioanes 11:27

E Marta i koli, i ta maea, “Bakovi Dagi, a longo a ngava ngi. A luhoi ioe e Kristo, a Tuna Vure ni taki ta ge valai na malala.”

Ioanes 20:31

Pali a here puru a maka ngava nga, mu gu luhoi torea e Isu ia e Kristo, a Tuna Vure. Lakea na tahuna mu luhoi torea, bara mu bole a nimahuri vakaroro na rana.

Ioanes 4:29

“Mu valai, mu masia a bakovi i vakalongo iau vona a vilo lobo a rata hosi. Ra bakovi iea, ma ge ia e Kristo.”

Ioanes 4:42

Muri ri takia a ngatavine, ri ta maea, “I muga mi luhoi torea e Isu, a vuhuna o taki mia. Pali ngane mi luhoi torea a vuhuna mi longo a ngavana na tuline mia. Ngane mi lohoka vona i muholi hateka, a bakovi iea a bakovi ge korimule e huriki na malala.”

Ioanes 7:41

Pali i ranga e huriki ri ta maea, “A bakovi iea e Kristo.” Pali i ranga e huriki ri nana rovi tabu ri ta maea, “Re Kristo, ge valai navai o Galili?

Apostolo 17:3

i tuveve polo ne ria, i vakasiri poloa ne ria na Hinere i taki mugea e Kristo bara i bole a nimadihi, i mate, i mahuri mule tabu. Lakea i ta maea, “E Isu a vakalongo mua vona, ia e Kristo.”

Apostolo 8:36

Na tahuna ru nunu puru na dala, ru bele vona tara naru. Lakea a ori i ta maea, “Mata lakea, a naru. A ngaru go vahilolo iau.”

Apostolo 9:22

A vinara ne Saulus i bele tora hateka. I vakasiri e huriki a Iuda ri made o Damaskus ne Isu ia e Kristo, lakea ri ngapa.

1 Ioanes 5:1

E huriki ri takia a Vure i rudu vilia e Isu ge korimule hita, ria a tuna Vure. E huriki ri ngarua e Tamana bara ri ngaru tabu e huriki e tuna.