Lukas 9:11 - A Nitana Vure

¹¹ Pali e huriki ri longoa a hini e Isu i lakea vona, lakea ri muri mai ia. Na tahuna ri bele, e Isu i tagui ria, i vara ria na harikianga na Vure, i vakatavaga e huriki ri giloa.

Lukas 9:11 Iomraidhean Croise

Mateo 12:15

E Isu i lohoka vona a ningaru ne huriki a Pariseo, lakea i pea a tanga iea. E huriki ala kupo ri muri vona. I vakamahuri e huriki lobo ri giloa.

Mateo 14:14

Na tahuna e Isu i bele, i matai ria, i dodo ria, i vakamahuri e huriki ri giloa.

Mateo 21:31

“E rei ne rua i muri mai a ngavane tamane rua?” Ri koli, ri ta maea, “A tabua.” Lakea e Isu i taki ria, “A taki muholi mua, e huriki a bakovi ni bole a takis, e huriki a ngoi bara ri dili muga ne mua na harikianga na Vure.

Mateo 21:43

I mavonga a taki mua, a harikianga na Vure bara ni bole hamule ne mua, bara ni habi ne huriki ri rata a maki a Vure i ngaru na harikianga vona.

Lukas 1:53

I habi a maki ni kani i kupo ne huriki ri vitolo, pali i tono tala e huriki a bakovi na mahala, ri vano tavula.

Lukas 5:31

E Isu i koli i ta maea, “E huriki i uka ma ri giloa i uka ma ri gi matai a dokta. E huriki ri giloa kunana bara ri masia.

Lukas 8:1

Muri e Isu i laho lae na maka tanga dagi, a tanga kiroko, i vakalongo a Velenga Kamumu na harikianga na Vure. E huriki a apostolo vona ala ravulu a polona i rua ri laho turana.

Lukas 8:10

E Isu i koli i ta maea, “A Vure i habi a lohokanga ne mua, mu gu lohoka vona a maki kapiloho na harikianga na Vure. Pali e huriki ranga, a ta vakakika ne ria, nahea ri gi longokilala, ge manga a ngava ni here puru hosi na Hinere, i ta maea, ‘Ri matai, pali i uka ma ri matakilala. Ri longo, pali i uka ma ri longokilala.’

Lukas 9:10

Na tahuna e huriki a apostolo ne Isu ri hamule pali, ri vakalongo e Isu vona a maka maki ri rata. Muri e Isu i tuli ria, ri vano, ri lakea na tanga dagi tara ni gale e Betsaida.

Lukas 9:12

Na malunga liu, e huriki a apostolo vona ala ravulu a polona i rua ri takia e Isu, ri ta maea, “A hini si made vona i ngeki. O taki e huriki ri gi vano, ri gi lakea na maka tanga tabukoi, ri gi matakana a maki ni kani, a murina ni mahita.”

Lukas 9:2

I rudu tala ria, ri gi vara vona a harikianga na Vure, ri gi vakamahuri e huriki ri giloa.

Ioanes 4:34

Pali e Isu i taki ria, i ta maea, “A Vure i rudu iau a valai. A ngaru ni muri mai a ningaru vona, a ngaru ni vakalobo a maka leho vona. A rabu iea i manga a maki ni kani nau.”

Ioanes 6:37

E huriki a bakovi a ngatavine e Tata i habi nau, bara ri valai nau. E huriki ri valai nau, i uka ma ga tono mule ria,

Apostolo 28:31

I vara ria na harikianga na Vure, i tovo ria ne Isu Kristo a Bakovi Dagi. I ta pagapaga, i uka ma i mangenge vona tara viri, i uka tara viri ge ta pupukari ia.

A Raukea e Paulus i Here Lakea ne Huriki a Rom 10:14

Pali, ri gi gale navai a viri i uka ma ri luhoi tora ia ma? Pali ri gi luhoi tora navia a viri i uka ma ri longo ma a rana? Pali ri gi longo navai, i uka viri ge tovo ria?

A Raukea e Paulus i Here Lakea ne Huriki a Rom 10:17

I mavonga, e huriki ri luhoi torea a Vure na tahuna ri longoa a viri i vara na Velenga Kamumu ne Kristo.

A Raukea e Paulus i Here Lakea ne Huriki a Rom 15:3

E Kristo tara i uka ma i rata kunana a maki ge vivi vona. A maki i ratea i muri mai a ngava ni here puru hosi, i maea, “Na tahuna e huriki ri ratapile ioe na ngava, i manga iau tara, ri ratapile iau.”

2 Timoti 4:2

A taki tora ioe go tovo e huriki na Velenga Kamumu. O tovo ria na tahuna ri malopi, o tovo ria na tahuna i uka ma ri malopi. O pelekado a niluhoi ne huriki ri varoru. O tahate e huriki ri rata a naro hale. O vakatora a niluhoi ne huriki. O hatenono na tahuna o tovo ria.

Hibru 4:16

I mavonga, si gi lakea tabukoi na Vure. I made na gula hariki vona, i rata kamumu hita. Si gi lakea tabukoi vona, ge dodo hita, ge rata kamumu hita, ge tuhori hita na tahuna si bole a nimava.