Lukas 8:33 - A Nitana Vure

³³ E huriki a hanitu ri pagitala na bakovi, ri vano ri dili na maka boro. Muri a kabuna boro ri nunu raga na gali, ri to na darilomu, ri pasiri.

Lukas 8:33 Iomraidhean Croise

Mateo 8:32

Lakea e Isu i ta maea, “Mu vano!” Lakea e huriki a hanitu ri pagitala ne rua, ri dili na kabuna boro. Lakea a maka boro ri nunu puru mai a gali, ri to na darilomu, ri pasiri.

Lukas 5:1

Na parava tara e Isu i pesi na dahana Darilomu e Genesaret, i vara e huriki. Pali i kupo hateka e huriki ri bole tugua ri gi longo a nitana Vure.

Lukas 8:32

A kabuna boro ri kakani na dahana kupona. E huriki a hanitu ri nana torea e Isu ge tono ria lakea na kabuna boro. Lakea e Isu i longo.

Lukas 8:34

Na tahuna e huriki a matakari na boro ri masia, ri ha, ri vakalongo e huriki na tanga, na robo tabukoi vonga.

Ioanes 8:44

Mua e huriki e tune Satan, lakea mu ngaru ni muri mai a ningaru vona. Muga na hunu a malala ni ratarike, ia a bakovi ni rabalaki a viri, i koi ni muri mai a ngava muholi, a vuhuna i uka tara ngava muholi ge takia. Na tahuna i tami a viri, i ta na tabelena, a vuhuna ia a marapusi, a tamana marapusianga.

1 Petrus 5:8

Mu matapara, mu matadoko, a vuhuna a pile ne mua, e Satan, i laho viliha manga a laion i roro, i matakana a viri ge ratapilea.

Kapiloho 9:11

A hariki ne ria, a agelo na lovo i marangeo. A rana a hariki iea na nita Hibru, e Abadon. Na nita Grik, ni gale Apolion.