Lukas 8:18 - A Nitana Vure

¹⁸ E rei a viri i longokilala a ngava bara ni habi tabu ranga. A viri i uka ma i longokilala a ngava, pali ra ngava i luhoi ta i longokilala, bara ni bole hamule vona. I mavonga, mu luhoi kamumu a ngava mu longo.”

Lukas 8:18 Iomraidhean Croise

Mateo 13:12

E rei a viri i tahoka a maki pali, bara ni habi tabu ranga ge tahoka ge kupo. Pali e rei a viri i uka ma i tahoka a maki, bara ni bole vuroki vona a maki popote i tahoka.

Mateo 25:29

Mu rata mavonga, a vuhuna a viri i tahoka a maki pali bara ni habi tabu ranga, ge tahoka a maki i kupo. Pali e rei a viri i uka ma i tahoka a maki, a maki popote vona i tahoka pali bara ni bole hamule vona.

Markus 13:14

“Na tahuna mu masia a bakovi muma hateka i ratapile a maki, i pesi na hini i uka ma a murina, pololilo na roho na Vure (A viri i gia a ngava iea ge longokilalea), e huriki ri made o Iudea ri gi ha lakea na lolo.

Lukas 19:26

“Pali a hariki i ta maea, ‘E huriki ri tahoka pali a maki bara ni habi tabu ranga. Pali e huriki ri uka a maki bara ni bole mule lobo a maki popote ri tahoka.

Lukas 9:44

“Mu longo kamumu a maki ga taki mua vona. A Tuna Bakovi i tabukoi bara ni habi na limane huriki a bakovi.”

Ioanes 15:2

I paku vuroki a maka rahagu ri uka a kanene ria. Pali a rahagu ranga ri tahoka kanena, bara i kisi kamumu ria, ri vua hateka.

Apostolo 10:33

I mavonga a talo rike malaviriri a ngava vomu, go valai. I kamumu hateka o valai pali. Ngane mi made koea na matana Vure, mi gi longo a ngava e Bakovi Dagi i taki vomu go taki polo ne mia.”

Apostolo 17:11

E huriki a Iuda vonga i uka ma ri tagege manga e huriki a Iuda o Tesalonika. Ri vivi ni longo kamumu a ngavane Paulus. Na parava lobo ri matai kado a ngava na Hinere, ri kasisi kamumua, a ngava e Paulus i taki, i muholi manga a hini i taki, o i uka.

A Raukea e Paulus i Here Lakea ne Huriki a Rom 12:3

A Vure i rata kamumu iau, i rata iau a apostolo vona. I mavonga, a taki mua, nahea tara viri ge luhoi ta ia a bakovi dagi hateka. Mua lobo mu pelekado mule mua, mua a bakovi navai, i ramai a hini a Vure i habi ne mua takutaku a hini mu gu luhoi tora navia e Kristo.

1 Korin 14:37

E rei a viri ne mua i luhoi ta ia a propet, o ia a bakovi na Vure, ge taki tala ne mua, na ngava a herea, i valai ne Bakovi Dagi.

1 Korin 3:18

Naha ni tami mule mua. E rei a viri i luhoi ta i tahoka a lohokanga na malala i dagi hateka, iau a ngarua ge taparakia, ge mata mangamanga na matane huriki na malala. Muri bara i tahoka a lohokanga muholi.

1 Korin 8:2

E rei a viri i pahaluhoi ta i lohoka pali, i uka ma i lohoka kamumu ma.

Pilipai 3:4

Pali iau a tahoka a vuhuna ni luhoi a kakaigu. E rei a viri i luhoi i tahoka a vuhuna ni luhoi a kakaina, iau a tahoka a vuhuna dagi.

Hibru 2:1

I mavonga, si gi luhoi kamumua a ngava si longoa pali, ma si gi lohopilea.