Lukas 8:15 - A Nitana Vure

¹⁵ “A maka vutuna vit ri boru langa na malala kamumu ri manga e huriki a bakovi kamumu, a bakovi ni ta muholi. Ri longo a nitana Vure, ri ru na hatene ria, ri lohotata vona. Na tahuna ri lohotata na ngava, ri hatenono, bara ri vakabele a kanene ria i kupo.

Lukas 8:15 Iomraidhean Croise

Mateo 24:13

Pali e rei i pesi tora ge harena na parava i mate vona, a Vure bara i korimulea.

Lukas 11:28

Pali e Isu i koli i ta maea, “I uka. E huriki ri gi vivi, re huriki ri longo a nitana Vure, ri muri mai a ngavana.”

Lukas 6:45

A bakovi kamumu i vakasiri a hatena i kamumu na naro kamumu i rata. Pali a bakovi hale i vakasiri a hatena i hale na naro hale i rata. A nitana bakovi i vakasiri e huriki, ia a bakovi navai.

Lukas 8:14

“A maka vutuna vit ri boru langa na hini i rako vona a barakau, ri manga e huriki ri longo a ngava, pali ri muri mai a ningaru ne ria kunana. Ri loho lege lae na nimade ne ria, na mahala, na bagetua, lakea i putukari ria ni vakabele a kanene ria.

Lukas 8:16

“I uka ma si namia a lam muri si gi kavi­tagua. A lam bara si vakatavorea, lakea e rei a viri i valai bara i masia a hini palala.

Ioanes 14:15

Mua bara mu ngaru iau, bara mu muri mai a ngavagu.

Ioanes 15:10

Mua bara mu longototo a ngavagu, bara ngaru mua, i manga kunana a longototo a ngavane Tata, lakea i ngaru iau.

A Raukea e Paulus i Here Lakea ne Huriki a Rom 2:7

E huriki ri ramai a naro kamumu, ri toni a bulune ria ni ratea a Vure ge vivi hateka ne ria, ri toni a bulune ria ni bole a nimahuri vakaroro, a Vure ge habi a nimahuri vakaroro ne ria.

A Raukea e Paulus i Here Lakea ne Huriki a Rom 6:22

Pali ngane mu matukapaga na naro hale, mu vora na Vure. A kanena naro iea, bara mua a ngate muholi na Vure, bara mu bole a nimahuri vakaroro.

A Raukea e Paulus i Here Lakea ne Huriki a Rom 7:18

A lohoka vona, i uka tara maki kamumu vona a ningaru hale na kakaigu. A ngaru ni rata a naro kamumu, pali iau a keri.

A Raukea e Paulus i Here Lakea ne Huriki a Rom 7:4

I mavonga kunana o huriki a turagu, mua ranga mu mate turane Kristo, lakea a vinara i uka ma i matakari tabu mua. Ngane a viri tara i matakari mua, ra Viri i pesi rike mule na matenga. Ngane si gi rata kunana a leho na Vure.

A Raukea e Paulus i Here Lakea ne Huriki a Rom 8:25

Pali a maki i uka ma i bele ma, bara si pasimata vona, si hatenono.

1 Korin 7:19

A viri ni pala a kulina, o i uka ma ni pala a kulina, a maki tavula. A maki dagi, a viri ge longototo a vinara na Vure.

Epesus 2:8

A Vure i rata kamumu mua, i korimule mua, a vuhuna mu luhoi torea. Ra hini mu luhoi torea, i uka ma i valai ne mua. A Vure i habia ne mua a niluhoi iea.

Vinara 30:6

Bara i rata mua turane huriki a hamone mua, mu pulo a niluhoi ne mua, mu ramai a ngavana, bara mu ngaru hatekea, mu made vakaroro vona a malala iea.

Pilipai 1:11

Bara mu ramai kunana a maka naro malamala a vuhuna e Isu Kristo i leho pololilo ne mua, lakea e huriki bara ri kavurikea a Vure.

Kolosi 1:10

Miri vasileki mavonga, a vuhuna miri ngaru mu gu laho na naro e Bakovi Dagi i ngaru mu gu laho vona, ge vivi ne mua, a leho kamumu ne mua ge tahoka a kanena, mu gu lohoka kamumu tabu na Vure.

Kolosi 1:6

Ra Velenga Kamumu ne Isu Kristo ni tovo e huriki vona na tanga lobo na malala, lakea i rata ranga e huriki ri pulo a vilone ria. I manga kunana a naro i bele ne mua na tahuna mu longo muga a Velenga Kamumu, mu matakilalea a rabu muholi na nidodo na Vure.

Hibru 10:36

Mu pesi tora, mu muri mai a ningaru na Vure. Muri bara mu bole a maka maki a Vure i ta muholi vona hosi ge habi ne mua.

Hibru 2:1

I mavonga, si gi luhoi kamumua a ngava si longoa pali, ma si gi lohopilea.

Iakop 1:4

Mu kaloho a nimava, naha ni malo, muri bara mu malamala liu, i uka ma mu gu bala vona tara naro kamumu na Vure.

1 Ioanes 2:3

Si gi matakilaka navai na viri i lohoka na Vure? A viri i lohoka na Vure bara i longototo a vinara vona.