Lukas 8:13 - A Nitana Vure

¹³ “A maka vutuna vit ri boru langa na kedo ri manga e huriki ri longo a nitana Vure, ri vivi ni luhoi torea, pali i uka ma ri ngarua ge dili na hatene ria. Ri ramai na parava popote kunana, pali a parava na nitoni i bele, ri boru.

Lukas 8:13 Iomraidhean Croise

Lukas 8:12

A vutuna ri boru puru na dala ri manga e huriki ri longo a ngava. Muri i valai a hanitu i panaho tala a ngava na hatene ria, i uka ma ri gi luhoi tora, i uka ma ri gi bole a nimahuri vakaroro.

Lukas 8:14

“A maka vutuna vit ri boru langa na hini i rako vona a barakau, ri manga e huriki ri longo a ngava, pali ri muri mai a ningaru ne ria kunana. Ri loho lege lae na nimade ne ria, na mahala, na bagetua, lakea i putukari ria ni vakabele a kanene ria.

Ioanes 15:2

I paku vuroki a maka rahagu ri uka a kanene ria. Pali a rahagu ranga ri tahoka kanena, bara i kisi kamumu ria, ri vua hateka.

Ioanes 15:6

Na tahuna a viri i uka ma i rihi iau, i manga a rahana kai ni tolo vuroki ge malai. Muri bara ni voro rike na kanono, ri nono.

Ioanes 5:35

E Ioanes ia a nipara i vakapalala a hini, lakea mu ngaru ni vivi vona a nipara vona na parava popote kunana.

1 Korin 13:2

Iau bara ta na nita propet, a lohoka na lohokanga kapiloho lobo, a luhoi tora hateka, lakea a maka lolo ri gi malaga na murine ria, pali iau i uka ma a ngaru e huriki, iau a maki tavula.

1 Korin 15:2

A Velenga Kamumu iea ge korimule mua. Pali mu gu luhoi tora mavonga a ngava a vara mua vona hosi. Ge uka, bara mu luhoi tora tavula.

Galesia 3:1

Mua e huriki a bakovi a ngatavine o Galesia, mu manga! E rei i tami mua? I navai? Mu longo kaburungi pali a hini a vakalongo kavakava ne mua na matane huriki lobo, ne Isu Kristo i mate na kai tavalavala na murine mua?

Galesia 3:4

Ra maka maregoa ri bele ne mua na tahuna mu luhoi torea e Kristo, ma mu gu kaloho tavula.

Epesus 3:17

lakea e Kristo ge made pololilo ne mua a vuhuna mu luhoi torea. A vasileki mu gu pesi tora na naro na nivangaru,

Kolosi 1:23

A maka ngava nga i muholi na tahuna mu nugutata, mu pesi tora na niluhoi ne mua, ma ge turari mua a maki tara bara mu vorotaparaki a maki si pasimata ni matai na Velenga Kamumu. Iau e Paulus a vora ni vakalongo a Velenga Kamumu iea, ra mu longoa pali, ni vakalongo lae ne huriki lobo na malala.

Kolosi 2:7

Mu laho turana maea: Mu madoko turane Kristo, mu koru rike na rabuna, mu pesi tora na niluhoi ne mua i manga kunana a ngava ni tovo muga mua vona, mu kavurike vakaroroa a Vure.

1 Tesalonika 3:5

A lohoka vona muga bara ni vakamadihi mua, lakea a marikoi ni dava tabu. A rudua e Timoti i lakene ne mua, ge vakalongo iau vona mu tabana ni luhoi torea e Kristo, o i uka. A mangenge vona a bakovi ni toni, ma ge toni mua, muri bara i velu tavula a leho dagi ne mateu.

Hibru 10:39

Pali i uka ma si pesi hoho mule ge ratapile hita a Vure. I uka. Hita si luhoi torea a Vure, lakea ge habi a nimahuri vakaroro ne hita.

Iakop 2:26

Si lohoka vona na tahuna a hanuna viri i pe a kakaina, a bakovi iea bara i mate. I mavonga kunana, a bakovi i luhoi tavulavula, pali a niluhoi vona i uka ma i vakabelea tara kanena, ra niluhoi vona i uka lehona, i mate pali.

2 Petrus 2:20

A viri i lohoka ne Isu Kristo, a Bakovi Dagi ne hita, a viri i korimule hita, lakea i matukapaga na naro katoki na malala, pali i hamule mai a naro katoki nga, i koro tabu ne ria, i uka ma i kamumu. Ngane a nimadena bara i hale hateka na nimadena muga.

2 Petrus 2:22

I bele ne ria a nita vakakika muholi ni here hosi, i ta maea, “A ligo i muta pali, muri i hamule, i kani mulea a mutana. A kinana boro i hilolo pali na naru, muri i hamule, i taka tabu na kokota.”

1 Ioanes 2:19

Ranga e huriki a pile ne Kristo, muga ri dili turane hita, pali i uka ma ria e huriki e turane hita muholi. Bara ria e turane hita muholi, i uka ma ri gi ha taro hita, bara ri tabana ni made turane hita. Pali ri ha taro hita pali, i vakasiri manga i uka ma ria a turane hita muholi.

Iuda 1:12

Na tahuna mu vapopo, mu rata a habu ni vakasiri a narone mua na nivangaru, ria ranga ri vapopo turane mua. Mu matadoko ne ria, a vuhuna ri manga a kedo i kapiloho na rakaru, bara i bipodea a aga. Ri vapopo turane mua, i uka ma ri maruhu. Ri matakari mule ria kunana. Ri manga a bubu, i uka ma i vakaboru a vala. A vilu i vakabebe viliha ria. Ri manga a kai i uka vuana muri na haro poki, ni lipu rike, ni vuroki. I manga ri mate liu.