Lukas 8:12 - A Nitana Vure

¹² A vutuna ri boru puru na dala ri manga e huriki ri longo a ngava. Muri i valai a hanitu i panaho tala a ngava na hatene ria, i uka ma ri gi luhoi tora, i uka ma ri gi bole a nimahuri vakaroro.

Lukas 8:12 Iomraidhean Croise

Mateo 13:19

A vutuna vit i boru na dala i manga e huriki ri longoa a ngava na harikianga, pali i uka ma ri longokilalea. E Satan i valai, i bole vuroki a ngava ni ru na hatene ria.

Mateo 13:4

Na tahuna i voro lae a vutuna vit, a vutuna ranga ri boru puru na dala, lakea a maka kadirovo ri kani poi.

Markus 4:15

E huriki a bakovi ranga, ri manga a dala, a vutuna vit ni voro langa vona. Na tahuna ri longo a nita, e Satan i valai malaviriri, i bole tala ra ngava ni varo.

Lukas 8:11

“A pelegona a nivakakika i maea: A vutuna vit i manga a nitana Vure.

Lukas 8:13

“A maka vutuna vit ri boru langa na kedo ri manga e huriki ri longo a nitana Vure, ri vivi ni luhoi torea, pali i uka ma ri ngarua ge dili na hatene ria. Ri ramai na parava popote kunana, pali a parava na nitoni i bele, ri boru.

Lukas 8:5

“A bakovi ni leho na hania i vano, i varo a vutuna vit. Na tahuna i voro lae a vutuna vit, i ranga ri boru puru na dala, lakea ni laho langa ne ria, i ranga i kani poi a kadirovo.

Kapiloho 12:9

Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.