Lukas 7:6 - A Nitana Vure

⁶ Lakea e Isu i vano turane ria. I popote ri gi bele na ruma, lakea a ubu i rudu e huriki a turana ri gi takia e Isu, ri gi ta maea, “Bakovi Dagi, ma ga vakapae ioe. Iau i uka ma a bakovi kamumu go valai na ruma nau.

Lukas 7:6 Iomraidhean Croise

A Vuhuna 32:10

Iau a vora vomu, i uka ma i kamumu a vilogu, pali ioe o dodo iau, o rata a naro kamumu nau. Hosi a pagepolo na naru dagi e Iordan turana a kodo nau kunana, pali ngane a tahoka a tara i rua.

Mateo 20:28

ge manga a Tuna Bakovi. Ra Tuna Bakovi, i valai i uka ma ge vakavora e huriki. I valai ge ia a vora ne huriki, ge mate, ge kona­mule e huriki ala kupo.”

Mateo 3:11

“Iau a vahilolo mua na naru a vuhuna mu pulo a vilone mua. Pali a bakovi tara bara i luve muri nau i tuhaka hateka nau. Iau i uka ma a bakovi kamumu ga bole polo a vahapolo vona. Na tahuna i valai, bara i vahilolo mua na Hanu Kiripiripi, a kanono.

Markus 5:24

Lakea e Isu i lokovonga turana. E huriki ala kupo ri muri vona, ri vakopekope halui ia.

Lukas 5:8

Na tahuna e Simon Petrus i masia a maki i bele maea, i turume puru tabukoi na vahane Isu i ta maea, “Bakovi Dagi, o ha nau. Iau a bakovi hale!”

Lukas 7:4

Na tahuna ri bele ne Isu ri nana torea, ri ta maea, “A ubu na tara iea, a bakovi kamumu hateka. I ngaru hateka hita e huriki a Iuda. I haea koea ne mia tara roho na vaponga. I kamumu go koria.”

Lukas 7:7

Lakea iau, i uka ma a luhoi ge iau a bakovi kamumu ga valai mai ioe. O taki kunanea a ngava, ge mahuri a vora nau.

Lukas 8:49

E Isu i tabana ni ta, a vinuru tara i bele, i valai na ruma e Iairus, a matakari na roho na vaponga, i ta maea, “E tumu i mate pali. Naha ni vakapae tabua a mari ni tovo.”

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Iakop 4:10

Mu vakakiroko mua na matane Bakovi Dagi, lakea ia bara i kavurike a rane mua.

Iakop 4:6

Pali a Vure i rata kamumu hateka hita. I mavonga a Hinere i ta maea, “A Vure i tepu e huriki ri putu ngingi, pali i rata kamumu e huriki ri vakakiroko ria.”