Lukas 7:38 - A Nitana Vure

³⁸ I lakea na ruma na Pariseo, i pasike puru muri tabukoi na vahane Isu i vakatubu ni tangi. I vahilolo a vahane Isu na luhana. Muri i ravu a vahane Isu na vuna, i nguru a vahana, i guru langa na vahana a mangisipa.

Lukas 7:38 Iomraidhean Croise

A Vuhuna 18:4

Moto made dili na taruna kai, ni gi bole valai a naru moto vahilolo a vahane matou vona.

Mateo 5:4

“E huriki ri tangi ngane ri gi vivi, a vuhuna a Vure ge luke ria.

Lukas 22:62

Muri e Petrus i ha tala, i tangi hateka.

Lukas 6:21

Mua o huriki mu vitolo ngane mu vivi, a vuhuna muri ma bara mu maru. Mua o huriki mu tatangi ngane mu vivi, a vuhuna muri ma bara mu nongo mu pitei.

Lukas 7:37

A ngatavine tara i made na tanga iea, a ngoi. Na tahuna i longoa e Isu i kani turana Pariseo, i vano i konea a ulo ni rata na kedo a alabasta, i vona a nibiri mangisipa.

Lukas 7:39

Na tahuna a Pariseo iea i masia a ngoi i rata maea, i luhoi maea, “Ra bakovi iea, ge ia a propet bara i lohoka vona ra ngatavine i nugua, a ngatavine navai. Ra ngatavine iea a ngatavine hale.”

Ioanes 11:2

Re Maria, ia kunana ra viri i biri a mangisipa na vahane Bakovi Dagi, muri i ravua na vuna. E kurabana, e Lasarus, i giloa.

Iakop 4:9

mu duku, mu tangi na naro hale ne mua. Mua e huriki mu nongo, ngane mu pulo a vilone mua, mu tangi. Mua e huriki mu vivi, ngane mu pulo a vilone mua, mu tangi.