Lukas 7:2 - A Nitana Vure

² Na tanga iea, i made vona a ubu na tara na nugumaheto. A vora na ubu iea i giloa, i popote ge mate. A ubu i ngaru hatekea a vora vona.

Lukas 7:2 Iomraidhean Croise

A Vuhuna 24:27

i ta maea, “Iau a kavurike e BAKOVI DAGI, a Vure na matakari nau e Abraham, i uka ma i vakatoku a naro kamumu vona, a niluhoi kamumu na matakari nau. Pali iau, a nilaho nau iea, e BAKOVI DAGI i vakasiri iau vona a tabeke na kabu na matakari nau.”

A Vuhuna 35:8

E Debora, a vora ngatavine ne Rebeka i mate vonga, lakea i tanua na taruna kai a ok na tabeke mule puru ne Betel. Ni gale liu a kai iea “A Kai ni Tangi.”

Mateo 27:54

Na tahuna a ubu turana e huriki ri tagaria e Isu ri hatakia a vuruke, ri matai a maka maki i bele, ri mangenge, i vakulu a tagane ria, ri ta maea, “Muholi hateka, ra bakovi iea a Tuna Vure!”

Lukas 23:47

Na tahuna a ubu na tara na nugu­maheto i masia a maki i bele, i kavurikea a Vure, i ta maea, “Muholi hateka, a bakovi iea i uka ma i ratea tara naro hale!”

Lukas 7:1

E Isu i vara lobo e huriki, muri i dili o Kapernaum.

Lukas 7:3

Na tahuna i longoa e Isu i bele vonga, i rudu e huriki a bakovi dagi na Iuda, ri gi takia e Isu ge valai ge korimulea a vora vona.

Lukas 8:42

I ngarua ge valai, a vuhuna i popote ge mate e tuna a madiva, a koma ngatavine. Ra koma iea, a pida vona i ravulu a polona i rua. Na tahuna e Isu i laho lokovonga, e huriki ri tango kapia.

Apostolo 10:1

A bakovi tara i made na tanga dagi e Sisaria, a rana e Kornelius. Ia a ubu na nugumaheto ala 100 ne Rom. E Kornelius a turane huriki a nugumaheto ni gale a tara na Itali.

Apostolo 10:7

Na tahuna a agelo i vano pali, e Kornelius i gale a vora vona ala rua turana nugumaheto. A nugumaheto iea, i made tabukoi ne Kornelius vakaroro, i matakaria. I luhoi torea a Vure.

Apostolo 22:26

Na tahuna a nugumaheto i longoa a nitana, i lakea na ubu, i vakalongoa. Lakea i nana, “A ra go ratea ngane? A bakovi iea, ia a tahotanga o Rom.”

Apostolo 23:17

Muri e Paulus i gale vilia a nugumaheto, i takia, i ta maea, “O tulia a riau iea ge lakea taro na ubu vomu. I tahoka a ngava ge takia vona.”

Apostolo 27:1

Na tahuna ri valongo mai a ngava pali ne mateu mete ge lakea o Itali, ri habi e Paulus turane huriki a vorakato ranga, ri habi na limane Iulius, a ubu na tara na vabinga ni gale a ‘Tara na Vabinga ne Kaiser Augustus.’

Apostolo 27:3

Na parava muri mete bele o Sidon. E Iulius i rata kamumua e Paulus, i takia ge vano ge matai ranga turana, ri gi matakaria.

Apostolo 27:43

Pali a ubu ne ria i koi ni masia e Paulus ge mate, lakea i hatekakari ria vona a rabu ta ri gi ratea. Lakea i vakuku e huriki ri huru kilala ri gi to tala muga, ri gi huru dili na lavu.

Kolosi 3:22

Mua o huriki a vora, mu longototo a ngavane huriki a bakovi dagi ne mua koea na malala. Naha ni leho kunana na tahuna ri pesi tabukoi ne mua. Naha ni leho ni gi bibi rike a rane mua. Mu leho kamumu a vuhuna mu ngaru ni togo a Vure.