Lukas 7:16 - A Nitana Vure

¹⁶ E huriki lobo ri mangenge, ri kavurikea a Vure. Lakea ri ta maea, “A propet dagi i bele na kurukurune hita. A Vure i valai pali ge tuhori e huriki a ngate vona.”

Lukas 7:16 Iomraidhean Croise

A Nimariu 4:31

E huriki ri longoa a nitane Moses ri lohoka vona i muholi. Na tahuna ri longoa e BAKOVI DAGI i tagui ria, ri matai e huriki a Egipto ri vakavora hateka ria, ri lolu ri kavurikea a Vure.

Mateo 15:31

E huriki lobo ri turutu na tahuna ri matai e huriki a ngavarubu ri ta, e huriki a beu ri tavaga, e huriki a vaha hale ri laho tabu, e huriki a kepa ri matapara. Lakea ria lobo ri kavurikea a Vure ne Israel.

Mateo 21:11

Lakea e huriki ri laho turana ri koli, ri ta maea, “Ra bakovi iea e Isu, a propet i valai o Nasaret, na tabeke ne Galili.”

Mateo 28:8

Ra ngatavine nga ru mangenge, pali ru vivi hateka. Ru pea a babe, ru nunu hamule lakea ne huriki a murimuri, ru vaka­longo ria.

Mateo 9:8

Na tahuna e huriki ri masia a naro iea, ria lobo ri mangenge, lakea ri kavurikea a Vure, ra viri i habi a nitora.

Lukas 1:65

E huriki a tanga turana ri masia a naro iea i bele, ri mangenge. A velengana maki iea i nunu lae, ni longo na maka tanga na lolo na tabeke ne Iudea.

Lukas 1:68

“A kavurikea e Bakovi Dagi, a Vure ne Israel, a vuhuna i valai, i vakamatukapaga e huriki a ngate vona.

Lukas 19:44

Bara ri ratapile a tanga turana e huriki ri made pololilo vona. I uka tara kedo ge tabuli langa vona tara kedo tara. Bara i bele a maki nga, a vuhuna i uka ma mu matakilaka vona a parava i valai vona a Vure ge korimule mua.”

Lukas 2:20

E huriki a matakari na sipsip ri hamule lakea na sipsip ne ria, ri kavurikea a Vure vona a maka maki ri longo, ri matai, a vuhuna i bele manga kunana a hini a agelo i taki ria vona.

Lukas 24:19

E Isu i koli i ta maea, “A ra maki?” Lakea ru ta maea, “A maki i bele ne Isu o Nasaret. Ia a propet i tahoka a nitora dagi na nitana, a nitora dagi na ni rata a nivakasiri na matana Vure, na matane huriki a bakovi, a ngatavine.

Lukas 5:26

E huriki lobo ri ngapa, ri kavurikea a Vure. Ri turutu vona a maki ri masia, lakea ri ta maea, “Mona si masia a maki ni turutu vona.”

Lukas 5:8

Na tahuna e Simon Petrus i masia a maki i bele maea, i turume puru tabukoi na vahane Isu i ta maea, “Bakovi Dagi, o ha nau. Iau a bakovi hale!”

Lukas 7:15

Lakea a riau i made rike, i vakatubu ni ta. Muri e Isu i tulia, i habi mulea ne kinana.

Lukas 7:39

Na tahuna a Pariseo iea i masia a ngoi i rata maea, i luhoi maea, “Ra bakovi iea, ge ia a propet bara i lohoka vona ra ngatavine i nugua, a ngatavine navai. Ra ngatavine iea a ngatavine hale.”

Lukas 8:37

Lakea e huriki a bakovi a ngatavine na robo e Gerasa ri takia e Isu ge vano, a vuhuna ri mangenge hateka. A bakovi i pagitala vona e huriki a hanitu i ngaru ni laho turane Isu. Pali e Isu i tono mulea, i ta maea, “O hamule lakea na tanga vomu, o vakalongo e huriki vonga na maki kamumu hateka a Vure i rata virihi ioe vona.” Lakea e Isu i rike na aga, i vano. A bakovi iea i hamule lakea na tanga vona, i vakalongo e huriki vonga ne Isu i kori hatekea, i lili tala e huriki a hanitu vona.

Lukas 9:19

Ri koli ri ta maea, “E huriki ranga ri taki ioe, ta ioe e Ioanes, a mari ni vahilolo. Pali e huriki ranga ri taki ioe, ta ioe e Elaisa. Pali e huriki ranga ri taki ioe, ta ioe a propet hosi tara i mahuri mule tabu.”

Ioanes 1:21

Lakea ri nanea, “Pali ioe e rei ke? Ioe e Elaisa?” I lavuni, i ta maea, “I uka.” Lakea ri nana tabua, “Pali ioe e rei? Ioe ra propet ta ge valai?” I koli, i ta maea, “I uka.”

Ioanes 1:25

ri nanea, “O taki ioe, ta i uka ma ioe e Kristo, i uka ma ioe e Elaisa, i uka ma ioe a propet tara. Pali i navai o vahilolo e huriki?”

Ioanes 4:19

Lakea a ngatavine i koli, i ta maea, “Bakovi Dagi, a lohoka vomu ngane, ioe a propet.

Ioanes 6:14

Na tahuna e huriki ri matakilalea a nivakasiri e Isu i ratea, ri ta maea, “Muholi hateka, ra bakovi iea a propet ni taki ge valai na malala.”

Ioanes 9:17

Muri ri nana tabua ra bakovi i kepa muga, ri ta maea, “Ioe kunana ra viri i vaka­matapara ioe. O luhoi navia ra bakovi iea?” Lakea a bakovi i koli, i ta maea, “Ia a propet.”

Apostolo 5:5

Na tahuna e Ananias i longoa a ngava iea, i boru puru, i mate. E huriki ri longoa a naro iea, ri mangenge hateka.

Apostolo 7:37

Ia kunana ra viri i taki e huriki a Israel, i ta maea, ‘A Vure bara i vulakia tara ne mua, ge ia a propet manga iau.’

Galesia 1:24

I mavonga ri kavurikea a Vure vona a maki i bele nau.

Vinara 18:15

“Pali e BAKOVI DAGI, a Vure ne mua, bara i vulakia tara turane mua ge ia a propet manga iau, mu ramaia a nitana.