Lukas 6:8 - A Nitana Vure

⁸ Pali e Isu i lohoka vona a niluhoi ne ria, lakea i takia a bakovi i mate a limana, i ta maea, “O pesi rike koea na kurukurune huriki.” Lakea i pesi rike na matane ria.

Lukas 6:8 Iomraidhean Croise

Mateo 9:4

E Isu i lohoka na niluhoi ne ria, lakea i ta maea, “I navai mu luhoi hale?

Markus 3:3

Ngane e Isu i takia a bakovi i mate a limana, “O pesi rike na matane huriki lobo.”

Lukas 13:12

Na tahuna e Isu i masia, i gale lokomugea vona, i takia, “Ngatavine, ngane i lobo a gilanga vomu.”

Lukas 5:22

E Isu i lohoka vona a niluhoi ne ria, lakea i nana ria, “I navai mu luhoi mavonga?

Lukas 6:9

Muri e Isu i taki ria i ta maea, “Ngane ga nana mua, a vinara i ta navai vona a naro si gi ratea na Parava Nimalo? Si gi rata a naro kamumu o si gi rata a naro hale? Si gi vakamahuri a viri, o si gi ratapile a viri?”

Ioanes 2:25

I uka ma i ngaru a bakovi tara ge vakalongoa vona a naro na bakovi, a vuhuna i lohoka vona pali a niluhoi ne huriki a bakovi lobo.

Ioanes 21:17

I balaka tolu ngane e Isu i nanea, “Simon tune Ioanes, ioe o ngaru iau?” Lakea e Petrus i kide tala, a vuhuna e Isu i nana balaka tolu, “Ioe o ngaru iau? Lakea e Petrus i takia e Isu, i ta maea, “Bakovi Dagi, o lohoka vona a maki lobo, o lohoka nau a ngaru ioe.” Lakea e Isu i takia, “O vakani a maka sipsip nau.”

Ioanes 9:4

Ngane si gi rata a leho na viri i rudu iau a valai, a vuhuna i tabana ni palala a hini. Pali i uka ma ge tabaka, bara i rodo a hini, lakea i uka tara viri ge leho.

Apostolo 20:24

Iau i uka ma a luhoia a nimadegu ga maki dagi. A ngaru kunana ga vakalobo kamumu taroa a leho e Isu a Bakovi Dagi i habia nau ga ratea: Ga vakalongo ne huriki a Velenga Kamumu na naro kamumu na Vure.

Apostolo 26:26

Hariki Agripa! Ioe o lohoka vona pali a maka ngava nga, lakea a ta pagapaga i uka ma mangenge. O lohoka vona a maka maki nga, i uka ma i tabuli kapiloho na matamu o na talingamu. O lohoka pali ne ria, a vuhuna a maka maki nga i uka ma ni rata kapiloho.

Pilipai 1:28

Naha ni mangenge ne huriki a pile ne mua. Na tahuna mu rata mavonga, bara i vakasiri kavakava ria, ria bara ri vurua, pali a Vure bara i korimule mua.

Hibru 4:13

I uka tara viri ge kapiloho na Vure. A maki lobo si rata, a maki lobo si luhoi, a Vure i lohoka vona. Muri ma hita lobo bara si pesi na matana, ge nana hita vona a naro lobo si rata.

1 Petrus 4:1

A vuhuna e Kristo i bole a nimadihi na kakaina, mua ngane mu bole a niluhoi vona, mu dava ni bole a nimadihi. E rei a viri i bole a nimadihi na kakaina, i lobo pali ni ratena a naro hale.

Kapiloho 2:23

Ga rabalaki e huriki e tuna. Na naro iea, e huriki a tara na Vure lobo ri gi lohoka vona, iau a viri a lohoka na niluhoi, na ningaru ne huriki lobo. Ga habi a mapane mua, i muri mai a narone mua.