Lukas 6:37 - A Nitana Vure

³⁷ “Naha ni pelekado a viri, lakea a Vure i uka ma ge pelekado mua. Naha ni taki e huriki ranga ri hale, lakea a Vure i uka ma ge taki mua mu hale. Mu lohopile a naro hale ne huriki, a Vure tara bara i lohopile a naro hale ne mua.

Lukas 6:37 Iomraidhean Croise

Mateo 18:30

“Pali i uka ma i longo maia. I vano, i taki e huriki a tagari ri gi ru dilia na bavi, ge made vonga ge harena na tahuna i koli mule lobo a makoli vona.

Mateo 5:7

“E huriki a bakovi ni dodo ri gi vivi, a vuhuna a Vure ge dodo ria.

Markus 11:25

Na tahuna mu vasileki, mu longovisi ranga naro hale ni rata virihi mua vona, mu lohopile, lakea e Tamane mua na hunu tara bara i puga a naro hale ne mua.

Lukas 23:16

Pali ngane ga lagu kunanea, muri ga tonoa ge vano.”

Lukas 6:36

Mu dodo e huriki, i manga a Vure, e Tamane mua, i dodo e huriki.

Apostolo 3:13

A Vure ne Abraham, ne Isak, ne Iakop, ne huriki a gare ne hita i vakabagetua a Vora vona, e Isu, a viri mu habia ne huriki a bakovi hale. E Pilato i ngaru ni vakaha ia, pali mua mu koi.

Epesus 4:32

Mu valemu kamumu, mu vadodo, mu valongo kaburungi a naro hale, i manga kunana a Vure i puga vuroki a naro hale ne mua na leho e Kristo i ratea.

Kolosi 3:13

Mu made kamumu turana e huriki lobo, mu lohopile a naro hale ri rata virihi mua vona. I manga kunana e Bakovi Dagi i puga vuroki a naro hale ne mua, mua ranga mu lohopile a naro hale ni rata virihi mua vona.

Iakop 2:13

Mu laho kamumu, a vuhuna e rei a viri i uka ma i dodo e huriki, a Vure tara i uka ma ge dodoa muri ma na tahuna ge pelekado e huriki. Pali a viri i dodo e huriki, a Vure bara i dodoa na tahuna i pelekado e huriki.

Iakop 5:9

Mua e huriki a turagu nahea mu gu ta tutu, ma ge pelekado mua a Vure. Mu longo kamumu, a Mari ni pelekado i popote ge valai.