Lukas 6:27 - A Nitana Vure

²⁷ “Pali mua e huriki mu longo a ngavagu, a taki mua, mu ngaru e huriki a pile ne mua, mu rata kamumu e huriki ri tepu mua.

Lukas 6:27 Iomraidhean Croise

Markus 4:24

I taki tabu ria, i ta maea, “Mu luhoi kado kamumu a ngava mu longo. A naro mu rata virihi e huriki ranga, a Vure tara bara i rata virihi mua vona, lakea bara ni habi tabu ranga.

Lukas 23:34

Muri e Isu i ta maea, “Tata, o puga a naro hale ne ria, a vuhuna i uka ma ri lohoka vona a maki ri rata.” E huriki a nugumaheto ri rehi vona tara rihiva. A viri bara i mulangi bara i bole a varakia ne Isu.

Lukas 6:22

E huriki bara ri tepu mua, ri lohopile mua, ri harogi mua, ri taki mua ta mu hale a vuhuna mu muri mai a Tuna Bakovi. Pali mu vivi!

Lukas 6:35

Pali a ngaru mua mu gu ngaru e huriki a pile ne mua, mu rata kamumu ria. Na tahuna mu habi ne ria a maki, naha ni taki ria ri gi habi mule. Mu rata mavonga, a mapane mua bara i dagi hateka, bara mua e huriki e tuna Vure Meli Liu, a vuhuna i rata kamumu e huriki ri bole lupu a maki, e huriki ri naro hale.

Lukas 8:15

“A maka vutuna vit ri boru langa na malala kamumu ri manga e huriki a bakovi kamumu, a bakovi ni ta muholi. Ri longo a nitana Vure, ri ru na hatene ria, ri lohotata vona. Na tahuna ri lohotata na ngava, ri hatenono, bara ri vakabele a kanene ria i kupo.

Lukas 8:18

E rei a viri i longokilala a ngava bara ni habi tabu ranga. A viri i uka ma i longokilala a ngava, pali ra ngava i luhoi ta i longokilala, bara ni bole hamule vona. I mavonga, mu luhoi kamumu a ngava mu longo.”

Lukas 8:8

Pali i ranga a vutuna vit ri boru langa na malala kamumu. Ri koru rike, ri vua, ri vakabele a kanene ria i ravulu mule ma murina i balaka taku (100).” E Isu i tuverei lobo, lakea i gale tala, i ta maea, “E rei a viri i ngaru ni longokilalea a ngavagu, ge longo kamumu, ge luhoi kado.”

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 16:28

Pali e Paulus i gale tala, i ta maea, “Naha ni tomo! Mia lobo mi tabana koea.”

Apostolo 7:60

Muri i turume puru i gale dagi hateka, “Bakovi Dagi, naha ni luhoi a naro hale ne ria.” Muri i mate.

Galesia 6:10

I mavonga, si gi rata kamumu e huriki lobo na tahuna si tahoka a gisi kamumu. Pali a maki dagi hateka, si gi tuhori e huriki ri luhoi torea a Vure.

1 Tesalonika 5:15

Na tahuna e huriki ri rata hale mua, naha ni koli. Na parava vakaroro mu rata a naro kamumu ne turane mua. E huriki polovavo ranga, mu rata a naro kamumu ne ria.

3 Ioanes 1:11

Turagu, naha ni ramai a naro hale. O ramai a naro kamumu. E rei a viri i rata a naro kamumu, ia a bakovi na Vure. Pali e rei a viri i rata a naro hale, i uka ma i masia a Vure.