Lukas 6:22 - A Nitana Vure

²² E huriki bara ri tepu mua, ri lohopile mua, ri harogi mua, ri taki mua ta mu hale a vuhuna mu muri mai a Tuna Bakovi. Pali mu vivi!

Lukas 6:22 Iomraidhean Croise

Mateo 10:18

Bara ri turari mua mu pesi na matane huriki a matakari, a hariki a vuhuna mu ramai iau. I mavonga e huriki nga, turana e huriki i uka ma ria a Iuda, bara mu vakalongo ria vona a maki mu matai iau a rata, a ngava a taki.

Mateo 10:22

E huriki a bakovi a ngatavine bara ri marikoi ne mua, a vuhuna mu ramai iau. Pali e rei a viri i pesi tora mavonga ni ramai iau, a Vure bara i korimulea.

Mateo 10:39

E rei a viri i ha taro iau, ne vona ni korimule a kulina, bara i velu. Pali e rei a viri i mate a vuhuna i ramai iau, bara i bole a nimahuri vakaroro.

Lukas 20:15

Lakea ri vuroki talea e tuna, ri rabalakia. “Mu luhoi navia a tahona hania, ge rata navai ria ngane?

Lukas 21:17

E huriki lobo bara ri marikoi ne mua a vuhuna mu muri nau.

Lukas 6:21

Mua o huriki mu vitolo ngane mu vivi, a vuhuna muri ma bara mu maru. Mua o huriki mu tatangi ngane mu vivi, a vuhuna muri ma bara mu nongo mu pitei.

Ioanes 12:42

Pali na tahuna iea kunana e huriki ala kupo ri luhoi torea e Isu. I ranga a matakari, ria ranga ri luhoi torea e Isu. Pali ri mangenge ne huriki a Pariseo, lakea i uka ma ri vakalongo a niluhoi ne ria, a vuhuna ri mangenge, ma ni gi tono tala liu ria na roho na vaponga.

Ioanes 16:2

E huriki bara ri tono tala mua na roho na vaponga. I muholi ngi, i uka ma ge tabaka e huriki bara ri rabalaki mua, bara ri luhoi ta ri rata a leho na Vure.

Ioanes 17:14

A habi ne ria a ngava vomu, lakea e huriki a bakovi a ngatavine na malala ri marikoi ne ria, a vuhuna i uka ma ria a viri na malala, i manga iau tara i uka ma iau a viri na malala.

Ioanes 7:7

E huriki a bakovi a ngatavine na malala ri ngaru mua, pali ri marikoi iau a vuhuna a taki tala a rabu hale ne ria.

Ioanes 9:34

Lakea ri koli mule ri ta maea, “I navai o vara kolikoli mia? A naro hale i madoko vomu na tahuna ni poda tala.” Muri ri tono talea ge vano liu.

Apostolo 22:22

I muga e huriki a Iuda nga ri made madoru, ri longo a ngavane Paulus. Pali na tahuna i taki a Vure i rudua ge lakea ne huriki i uka ma ria a Iuda, ri magulu rike lobo, ri ta maea, “Mu rabalakia! A bakovi iea i uka ma i kara ge made na malala!”

Apostolo 24:5

Muri i padi virihia na ngava e Paulus, i ta maea, “A bakovi iea, i vakapae hateka. I piurike e huriki a Iuda na tanga lobo. I muga ne huriki ni gale a tara ne Nasaret.

Apostolo 9:16

Ga vakasiria na maka maki bara i bole a nimadihi vona na tahuna i ramai iau.”

Iakop 1:12

A viri i pesi tora na tahuna a nitoni i bele ge vivi, a vuhuna a Vure bara i habi a mapana, ge bole a nimahuri vaka­roro, i manga a viri i mulangi na rihiva i bole a tama. A Vure i taki muga pali ge habi a mapa ne huriki ri ngarua a Vure.

1 Petrus 3:14

Pali bara mu laho malamala, lakea ni vakamadihi mua vona, a Vure bara i gamai mua. I mavonga, naha ni mangenge ne ria. Naha ni loho pae.