Lukas 6:13 - A Nitana Vure

¹³ Na tahuna a haro i rike, i gale valai vona e huriki a murimuri vona. I vulaki a bakovi ala ravulu a polona i rua, i gale ria a apostolo. E huriki a apostolo ne Isu ra nga:

Lukas 6:13 Iomraidhean Croise

Mateo 10:2

A rana e huriki a apostolo ala ravulu a polona i rua ra nga: e Simon (a rana tara e Petrus), e tarina e Andreas. E Iakop e Ioanes, rua e tune Sebedi.

Mateo 19:28

E Isu i koli, i ta maea, “A taki muholi mua, muri ma na malala karaba, a Tuna Bakovi bara i made na nibagetu na gula hariki vona. Mua ranga e huriki mu muri nau, bara mu made na gula hariki i ravulu a polona i rua, bara mu pelekado a kabu ne Israel i ravulu a polona i rua.

Mateo 9:36

Na tahuna i matai e huriki, i dodo ria, a vuhuna a niluhoi ne ria i varoru, ri uka nitora. Ri manga a maka sipsip ri uka matakari.

Markus 6:30

E huriki a apostolo ne Isu ri vapopo turane Isu, ri vakalongoa vona a maka maki ri rata, ri tovo e huriki vona.

Markus 6:7

Muri e Isu i gale valai vona e huriki a murimuri vona ala ravulu a polona i rua, i rudu tala ria ruarua, i habi a nitora ne ria ni lili tala a hanitu.

Lukas 11:49

I mavonga, a lohokanga na Vure i ta maea, ‘Iau ga rudu lakea ne ria e huriki a propet, a apostolo, lakea bara ri rata tuhare ranga, ri rabalaki ranga.’

Lukas 22:30

Muri bara mu kani mu ninu turagu na harikianga nau, bara mu made na gula-hariki mu pelekado e huriki a kabu ne Israel ala ravulu a polona i rua.”

Lukas 6:14

e Simon re Isu i vunua e Petrus, e tarina e Andreas, e Iakop, e Ioanes, e Pilip, e Bartolemeus,

Ioanes 4:33

Muri ri vata, ri ta maea, “Ma ge tahoka pali tara viri ge habi a maki ni kani vona.”

Apostolo 1:13

Na tahuna ri bele o Ierusalem, ri lakea na ruma ri made vona, ri rike polomeli. E huriki ri bele vonga ra nga: e Petrus, e Ioanes, e Iakop e Andreas; e Pilip rua e Tomas; e Bartolemeus rua e Mateo; e Iakop tune Alpius, e Simon a tara ne huriki a Silot; e Iudas tune Iakop.

Epesus 2:20

Mua mu manga a roho i haea a Vure. Mia e huriki a apostolo, e huriki a propet mi manga a butu na roho, i vonu a Vure. E Isu Kristo i manga a burena butu.

Epesus 4:11

Ia kunana a viri i rata e huriki ranga, ge ria a apostolo, e huriki ranga ge ria a propet, e huriki ranga ri gi vakalongo a Velenga Kamumu, e huriki ranga ri gi matakari e huriki a tara na Vure, e huriki ranga ri gi tovo.

Hibru 3:1

Mua o huriki a turagu, a Vure i gale hita. Mu luhoia e Isu. A Vure i rudu vilia, ge ia a Prister Dagi na lotu ne hita.

2 Petrus 3:2

A ngaru mu gu luhoi tabu a ngava ne huriki a propet hosi, ri vakalongo muga vona a ra maki ge bele muri ma. Mu luhoi tabu a ngava i vakuku mua vona a Bakovi Dagi ne hita, a Viri i korimule hita. Mia e huriki a apostolo mi vakalongo mua vona pali.

Kapiloho 12:1

Muri a kilakila vakaturutu i bele na hunu. A ngatavine i varaki na haro. A keva i tabuli polotano na vahana. I kubea a tama ni rata na hada i ravulu a polona i rua.

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”

Kapiloho 21:14

A nure iea, ni hae langa na kedo i ravulu a polona i rua. A kedo takutaku nga, ni here a rana a apostolo takutaku na Tuna Sipsip ala ravulu a polona i rua.