Lukas 5:38 - A Nitana Vure

³⁸ I mavonga kunana a vain karaba bara ni guru dili na buroi karaba.

Lukas 5:38 Iomraidhean Croise

Mateo 9:17

I uka ma si gi guru dili a vain karaba na matutuna buroi ni rata na kulina meme. Bara si rata mavonga, bara i mapoda a kulina meme, i maguru tala a vain. A vain karaba bara ni guru dili na buroi karaba, lakea a vain, a buroi bara ru kamumu varago.”

Lukas 5:37

I mavonga tabu, i uka tara viri ge guru dili a vain karaba na matutuna buroi. Bara i rata mavonga bara i mapoda a buroi, lakea a vain bara i maguru tala.

Lukas 5:39

Pali i uka tara viri ge ninu muga a vain hosi muri ge ngaru a vain karaba tabu, a vuhuna bara i ta maea, ‘a vain hosi i nami kamumu hateka.’”

2 Korin 5:17

Na tahuna a viri i rihi e Kristo, a Vure i ratarike karabea, i manga a viri karaba. A rabu hosi vona i lobo. Ngane i ramai a rabu karaba.

Galesia 2:4

Pali e huriki ranga ni tuli dili kapiloho, ri tamilalu ta ria e huriki a turane hita. Ria a kasisi, ri dili kapiloho ne vona ni kasisi a hini e Isu Kristo i rata hita si matukapaga na Vinara. Ri ngaru ni rata hita si gi vora tabu na vinara.

1 Timoti 4:8

O lohoka vona, a bakovi i rehi na rihiva i ngarua a kakaina ge gao. Bara i tovo mule a kakaina ge gao. Ra nitovo iea bara i tuhori popote a viri. Pali a viri i tovo mulea ge ramai a narona Vure, bara i tuhori mule hatekea. Bara i habi a maki kamumu vona ngane koea na malala, muri ma meli na hunu.

Kapiloho 21:5

Lakea a viri i made na gula hariki i ta maea, “Mu longo! A rata a maki lobo ri bele karaba tabu.” Muri i ta maea, “O here puru a ngava nga, a vuhuna ri muholi, ri gi bele muholi.”