Lukas 5:30 - A Nitana Vure

³⁰ Pali e huriki a Pariseo, e huriki a mari na vinara ri ta puhaki lakea ne huriki a murimuri vona, ri ta maea, “I navai mu kani mu ninu turana e huriki a bakovi ni bole a takis, e huriki a bakovi hale?”

Lukas 5:30 Iomraidhean Croise

Mateo 5:46

Mua bara mu ngaru kunana e huriki ri ngaru mua, a ra maki kamumu mu gu bolea? E huriki a bakovi ni bole a takis, ria ranga ri ngaru kunana e huriki ri ngaru ria.

Mateo 9:11

Na tahuna e huriki a Pariseo ri masia, ri nana e huriki a murimuri vona, ri ta maea, “I navai a mari ni tovo ne mua i kani turana e huriki a bakovi ni bole a takis, e huriki a bakovi hale?”

Markus 2:16

Na tahuna e huriki a mari na vinara ne huriki a Pariseo ri masia e Isu i kani turana e huriki a bakovi hale, e huriki a bakovi ni bole a takis, ri nana e huriki a murimuri vona, “I navai i kani turana e huriki a bakovi ni bole a takis, e huriki a bakovi hale?”

Markus 7:3

(E huriki a Pariseo, e huriki a Iuda, ri muri mai a vilo hosi ne huriki e tubune ria, ri loi taro a limane ria, muri ri kani.

Markus 9:16

Lakea e Isu i nana ria, “A ra mu vahehe vona?”

Lukas 18:11

A Pariseo i pesi rike i vasileki mule vona, i ta maea, ‘Vure nau, a kavurike ioe a vuhuna iau i uka ma a manga e huriki a bakovi ranga ri rabalaki a viri, ri panaho a maki. Iau i uka ma a manga e huriki ri rata a naro hale, ri mole. Iau i uka ma a manga a bakovi iea, ra bakovi ni bole a takis.

Lukas 19:7

E huriki ri masia ri ta barangungu, ri ta maea, “Re Isu, i navai i vano i made turana bakovi hale iea?”

Lukas 5:17

Na parava tara e Isu i vara e huriki. E huriki a Pariseo, a mari na vinara, ria ranga ri made vonga. Ri valai na tanga lobo na tabeke ne Galili, ne Iudea, ne Ierusalem. A Vure i habi a nitora na Bakovi Dagi, ge vakamahuri e huriki na gilanga.

Lukas 5:21

Lakea e huriki a Pariseo, a mari na vinara ri vanana, “E rei ra bakovi iea, ra i ngaru ni bole a murina Vure? I uka tara bakovi tavula ge puga a naro hale, a Vure kikeri kunana.”

Lukas 7:34

Pali a Tuna Bakovi i valai i kani i ninu, lakea mu ta maea, ‘Ia a bakovi ni kani ni ninu hateka, i turana bala e huriki a bakovi ni bole a takis, e huriki a bakovi hale.’

Lukas 7:39

Na tahuna a Pariseo iea i masia a ngoi i rata maea, i luhoi maea, “Ra bakovi iea, ge ia a propet bara i lohoka vona ra ngatavine i nugua, a ngatavine navai. Ra ngatavine iea a ngatavine hale.”

Apostolo 23:9

I mavonga ri vahehe dagi hateka. Muri e huriki a mari na vinara na tara ne huriki a Pariseo ri hehe, ri ta maea, “A bakovi iea i uka ma i ratea tara maregoa. Ma ge ta polo vona tara agelo, o a gisi.”