Lukas 5:17 - A Nitana Vure

¹⁷ Na parava tara e Isu i vara e huriki. E huriki a Pariseo, a mari na vinara, ria ranga ri made vonga. Ri valai na tanga lobo na tabeke ne Galili, ne Iudea, ne Ierusalem. A Vure i habi a nitora na Bakovi Dagi, ge vakamahuri e huriki na gilanga.

Lukas 5:17 Iomraidhean Croise

Mateo 11:5

E huriki a kepa ri matapara, e huriki a beu ri laho tabu, e huriki ri tahoka a patala ri matapado, e huriki ri vou ri longo mule tabu, e huriki ri mate ri mahuri mule tabu, a Velenga Kamumu ni vakalongo ne huriki a matasia.

Mateo 15:1

Na parava tara e huriki a Pariseo, a mari na vinara na lotu ri pea e Ierusalem ri valai ri gi masia e Isu. Ri nanea,

Markus 1:45

Pali a bakovi iea i vano ngane, i vakalongo lae e huriki, i nunu viliha lae a velengana. Ngane e Isu i keri ni laho kavakava ge dili na tanga dagi. I made polovavo kunana na tabeke i ngeki. Pali e huriki na tanga lobo ri lakea maia, ri masia vonga.

Markus 16:18

Bara ri nugu a mata na limane ria, ri ninu a naru hale i uka ma ge vakahale ria. Bara ri ru a limane ria ne huriki ri giloa, bara ri tavaga.”

Markus 3:22

E huriki a mari na vinara ri valai o Ierusalem, ri ta maea, “I dili vona e Belsabub. I lili tala e huriki a hanitu na nitora na hariki ne huriki a hanitu.”

Markus 5:30

E Isu i malaviriri kunana i hataki kilalea a nitora i pagitala vona. I ngalakapulo lakea ne huriki, i nana, “E rei i padoi a varakia nau?”

Markus 7:1

E huriki a Pariseo turana e huriki a mari na vinara o Ierusalem, ri vano, ri vapopo turane Isu.

Lukas 15:2

Lakea e huriki a Pariseo, a mari na vinara ri ta barangungu, ri ta maea, “Ra bakovi iea i tagui e huriki a bakovi hale, i kani turane ria.”

Lukas 2:46

I lobo a parava i tolu, ru matavisia na tabeke na roho na Vure. I made turana e huriki a mari ni tovo, i longo a nitane ria, i nana ria na ngava.

Lukas 5:21

Lakea e huriki a Pariseo, a mari na vinara ri vanana, “E rei ra bakovi iea, ra i ngaru ni bole a murina Vure? I uka tara bakovi tavula ge puga a naro hale, a Vure kikeri kunana.”

Lukas 5:30

Pali e huriki a Pariseo, e huriki a mari na vinara ri ta puhaki lakea ne huriki a murimuri vona, ri ta maea, “I navai mu kani mu ninu turana e huriki a bakovi ni bole a takis, e huriki a bakovi hale?”

Lukas 6:19

E huriki lobo ri toni ni padoi ia, a vuhuna a nitora na Vure i tabuli vona, i vakamahuri ria lobo.

Lukas 7:30

Pali e huriki a Pariseo, e huriki a mari na vinara, i uka ma ri ramai a ningaru na Vure, ri koi e Ioanes ge vahilolo ria.

Lukas 8:46

Lakea e Isu i ta maea, “I tahoka tara viri i padoi iau. A lohoka vona, a vuhuna a hatakia a nitora nau i vakatavaga ia pali.”

Ioanes 3:10

E Isu i koli, i ta maea, “Ioe a mari ni tovo ne Israel, pali i uka ma o longo­kilala a ngava a taki?

Ioanes 3:21

Pali e huriki ri muri mai a ngava muholi, ri valai mai a nipara, ni gi matakilaka vona, a maki ri rata, ri rata a vuhuna ri rihi a Vure.”

Apostolo 19:11

A Vure i rata maka nivakasiri dagi na limane Paulus.

Apostolo 4:30

O vakasiri a nitora vomu, o vakamahuri e huriki, o rata a maka nivakasiri dagi na nitora ne Isu Kristo, a vora malamala vomu.”

Apostolo 5:34

Pali a Pariseo tara, e huriki lobo ri togoa, a rana e Gamaliel. Ia a mari ni tovo a vinara. I pesi rike, i taki ni gi tono tala taro e huriki a apostolo.