Lukas 4:41 - A Nitana Vure

⁴¹ I lili tala e huriki a hanitu ne huriki ala kupo. Na tahuna ri ha tala, ri gale dagi, ri ta maea, “Ioe a Tuna Vure.” Pali e Isu i tahate ria, nahea ri gi ta, a vuhuna ri lohoka vona ia e Kristo.

Lukas 4:41 Iomraidhean Croise

Mateo 26:63

Pali e Isu i vulai mavonga. Lakea a prister dagi i nanea, “A taki ioe na rana Vure Mahuri, o vakalongo mia ngane, ioe e Kristo, a Tuna Vure?”

Mateo 4:3

A bakovi ni toni e huriki i bele vona, i takia, “Ge ioe a tuna Vure, o taki a kedo nga ri gi mapulo ri gi manga a bret.”

Mateo 8:16

Na malunga ni tuli valai vona e huriki i dili ne ria a hanitu. I taki e huriki a hanitu ri gi ha, lakea ri ha. I vaka­mahuri e huriki ri giloa.

Mateo 8:29

Lakea ru gale dagi, ru nanea, “Tuna Vure, a ra go ratea ne mia? A parava a Vure ge pelekado mia i tabana. Pali i navai o valai malaviriri go vakamadihi mia?”

Mateo 8:4

Muri e Isu i takia, “Naha ni takia tara viri. O vano o vakasiri ioe na prister. Muri o habi a nihabi vomu, i manga a hini e Moses i taki hosi. Lakea e huriki ri gi matakilaka vona ioe ni vakamatapado pali.”

Markus 1:25

Pali e Isu i tahatea a hanitu, i ta maea, “O vulai. O pagitala vona a bakovi iea!”

Markus 1:32

Na tahuna a haro i rolo pali, ni tuli valai vona e huriki ri giloa turana e huriki i dili ne ria a hanitu.

Markus 1:34

lakea e Isu i vakamahuri e huriki ri tahoka a maka gilanga legelege. I lili tala e huriki a hanitu i kupo, i ta tora ne ria nahea ri gi ta, a vuhuna ri lohoka vona.

Markus 3:11

Na tahuna e huriki i dili ne ria a hanitu ri masia, ri tabuli puru na ngalana, lakea e huriki a hanitu ri gale tala, ri ta maea, “Ioe a Tuna Vure.”

Lukas 4:39

I valai tabukoi na dahana ngatavine, i takia a gilanga ge malaharuri vona. Muri i pesi rike a ngatavine, i vakatubu ni gutu a maki ni kani ne ria.

Ioanes 20:31

Pali a here puru a maka ngava nga, mu gu luhoi torea e Isu ia e Kristo, a Tuna Vure. Lakea na tahuna mu luhoi torea, bara mu bole a nimahuri vakaroro na rana.

Iakop 2:19

Ioe, o luhoia a Vure i taku kunana. O moro hateka, ke! Pali e huriki a hanitu ranga ri luhoi mavonga, lakea ri mangenge i vakulu a tagane ria.