Lukas 4:35 - A Nitana Vure

³⁵ Lakea e Isu i taki tora ia i ta maea, “Naha ni ta! O pagitala vona.” Muri a hanitu i voro purua a bakovi iea na matane huriki a bakovi a ngatavine, lakea i pagitala vona, i uka ma i ratapilea.

Lukas 4:35 Iomraidhean Croise

Mateo 17:18

Muri e Isu i tahatea a hanitu. I malaviriri kunana, a hanitu i ha tala vona, i tavaga liu.

Mateo 8:26

E Isu i koli, i ta maea, “I navai mu mangenge? I uka ma mu luhoi tora hateka.” Muri i pesi rike i tahate a vilu a dari, ru pasi valo puru, a dari i malilo liu.

Markus 1:26

Lakea a hanitu i pulua a bakovi iea, muri i haloho i ha tala vona.

Markus 4:39

Lakea i pesi rike, i tahatea a vilu, i takia a bokona dari, “O pasi puru! Naha ni kuluko!” Muri i pasi puru a vilu, i puru a malilo i ngapa.

Markus 9:26

Lakea a hanitu i haloho, i ratea a koma i tangi torutoru, muri i pagitala vona. A koma ngane i mata manga i mate, lakea e huriki ri ta maea, “I mate pali.”

Lukas 11:22

Pali na tahuna a viri tara i gao hateka vona i vaubi turana, i ratapilea, bara i radi a maki na vaubinga vona ra i tagaria, i bole a mahala vona, i veru lae.

Lukas 4:23

Lakea e Isu i taki ria i ta maea, “Muholi hateka, muri ma bara mu takia nau tara ngava hosi i nangi maea: ‘Ioe a bakovi ni korimule e huriki, o korimule ioe ke!’ Muri bara mu ta maea, ‘Mi longo ioe o rata a maka nivakasiri o Kapernaum. Pali ngane o rata koea na tanga vomu a maka maki nga.’

Lukas 4:39

I valai tabukoi na dahana ngatavine, i takia a gilanga ge malaharuri vona. Muri i pesi rike a ngatavine, i vakatubu ni gutu a maki ni kani ne ria.

Lukas 4:41

I lili tala e huriki a hanitu ne huriki ala kupo. Na tahuna ri ha tala, ri gale dagi, ri ta maea, “Ioe a Tuna Vure.” Pali e Isu i tahate ria, nahea ri gi ta, a vuhuna ri lohoka vona ia e Kristo.

Lukas 8:24

E huriki a murimuri ri vangoa e Isu ri ta maea, “Bakovi Dagi, Bakovi Dagi, i popote bara i mabubu a aga. Bara si pasiri!” Lakea e Isu i pesi rike i tahate a vilu a naru, naha ru gu pori. Lakea i pasi puru a taiava, i malilo a dari.

Lukas 9:39

Na parava ranga, a hanitu i dili vona, i ratea i haloho vakaturutu, i tangi torutoru, i bubu vona a vere a ngavana. Muri, na tahuna e tugu i malulu liu a tuhana, a hanitu bara i ha taroa.

Lukas 9:42

Na tahuna a koma i laho valai ne Isu, a hanitu i voro purua na malala, i ratea i tangi torutoru. Lakea e Isu i tahatea a hanitu, i korimulea a riau, muri i habi mulea ne tamana.

Kapiloho 12:12

I mavonga, mu vivi, mua e huriki mu made na hunu. Pali mua e huriki mu made na malala, mu made na dari, bara mu bole a vuranga! A hanitu i puru valai mai mua. I madihi hateka a hatena, a vuhuna i lohoka vona a parava vona i popote kunana i tabana.”