Lukas 4:1 - A Nitana Vure

¹ Muri ne Ioanes i vahiloloa e Isu, e Isu i pe a naru e Iordan, a Hanu Kiripiripi i laho tora turana, i tuli laea na tabeke i ngeki.

Lukas 4:1 Iomraidhean Croise

Mateo 3:16

E Ioanes i vahilolo loboa e Isu, lakea e Isu i malaviriri kunana i pea a naru. A hunu i mata ka, lakea i masia a Hanuna Vure i puru valai manga a balu, i toka langa vona.

Lukas 2:27

A Hanu Kiripiripi i tulia e Simion i lakea na tabeke na roho na Vure. Na tahuna e tamana e kinana e Isu ru boko dilia, ru gu vakasiria na Vure i muri mai a vinara,

Lukas 3:3

Lakea e Ioanes i laho lae na maka tanga tabukoi na naru e Iordan, i vara e huriki ri gi pulo a vilone ria, ni gi vahilolo, lakea a Vure ge puga vuroki a vilo hale ne ria.

Lukas 3:38

E Kainan e tune Enos. E Enos e tune Set. E Set e tune Adam. E Adam e tuna Vure.

Lukas 4:14

Muri e Isu i hamule lakea o Galili turana nitora na Hanu Kiripiripi. I rere lae a velengana.

Lukas 4:18

“A Hanune Bakovi Dagi i made turagu, a vuhuna i vulaki iau ga vakalongo a Velenga Kamumu ne huriki a matasia. I rudu iau ga vakalongo e huriki ni ru dili na bavi, ne ria ri gi matukapaga. I rudu iau ga vakamatapara e huriki a kepa. I rudu iau ga rata e huriki ni rata hale, ri gi matukapaga.

Ioanes 1:32

Muri e Ioanes i vakalongo ria, i ta maea, “A masia a Hanu Kiripiripi i puru valai na hunu i manga a balu, i toka langa vona.

Ioanes 3:34

A viri a Vure i rudua i valai i vakalongo e huriki na nitana Vure, a vuhuna a Vure i habi vona a Hanuna, i uka harena.

Apostolo 1:2

i vano i harena na tahuna e Isu ni bole sike na hunu. Muga ne ia ni bole sike na hunu, na nitora na Hanu Kiripiripi i vakalongo e huriki a apostolo vona, i vulaki pali ria na leho ri gi ratea.

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 8:39

Na tahuna ru pagitala na naru, a Hanune Bakovi Dagi i bolea e Pilip, i vano. A ori i uka ma i matai tabua, pali i vivi hateka, i ramai a dalana, i vano.