Lukas 3:22 - A Nitana Vure

²² lakea a Hanu Kiripiripi i puru valai i manga a balu, i toka langa vona. Muri a lohona viri i ta valai meli na hunu, i ta maea, “Ioe e Tugu, a hategu. A vivi hateka vomu.”

Lukas 3:22 Iomraidhean Croise

Mateo 12:18

“Mu masia a vora nau, a vulakia. Ia a hategu, a vivi hateka vona. Bara vakatorea na Hanugu, ge vakalongo e huriki i uka ma ria a Iuda, na dala ga korimule ria vona.

Mateo 17:5

Na tahuna i tabana ni ta, a bubu pangapanga i kavitagu tou. A lohona viri i ta valai na bubu, i ta maea, “A Bakovi iea e Tugu, a hategu. A vivi hateka vona. Moto longo mai a nitana.”

Mateo 27:43

I luhoi tora hateka a Vure. Pali ngane a Vure ge ngarua a bakovi iea, bara i korimulea, a vuhuna i ta maea, ‘Iau a Tuna Vure.’”

Mateo 3:13

Muri e Isu i pea e Galili i lakea na naru e Iordan, e Ioanes ge vahiloloa.

Mateo 3:16

E Ioanes i vahilolo loboa e Isu, lakea e Isu i malaviriri kunana i pea a naru. A hunu i mata ka, lakea i masia a Hanuna Vure i puru valai manga a balu, i toka langa vona.

Mateo 3:17

Lakea a lohona viri i ta valai na hunu, i ta maea, “Iea e tugu a hategu. A vivi hateka vona.”

Markus 1:11

A lohona viri i ta valai meli na hunu, i ta maea, “Ioe e Tugu a hategu. A vivi hateka vomu.”

Markus 1:9

Na parava tara, e Isu i malaga na tanga e Nasaret, na tabeke ne Galili, i lakea na naru e Iordan. Na tahuna i bele vonga, e Ioanes i vahiloloa.

Markus 9:7

Muri a bubu i valai i kavitagu tou. To longoa a ngava i pagitala na bubu i ta maea, “Ra bakovi iea e tugu, a hategu. Moto longo maia a nitana.”

Lukas 2:14

“Si gi kavurikea a Vure Meli Liu. Ge habi a nivalemu ne huriki a bakovi a ngatavine i vivi ne ria koea na malala.”

Lukas 4:21

I ta maea, “A tabekena Hinere nga i bele muholi mona, na tahuna mu longo iau a gia.”

Ioanes 1:32

Muri e Ioanes i vakalongo ria, i ta maea, “A masia a Hanu Kiripiripi i puru valai na hunu i manga a balu, i toka langa vona.

Ioanes 12:28

O Tata, ge bagetu a ramu.” Muri a lohona viri tara i ta valai na hunu i ta maea, “Iau, a ragu ni vakabagetu pali. Pali ga ratea ge bagetu tabu.”

Ioanes 5:37

Pali e Tata ra i rudu iau a valai, ia tara i ta muholi ne huriki ne nau pali. I uka tara viri ne mua ge longo a lohona o ge matai a matana.

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Kolosi 1:13

A Vure i korimule hita na nitora ne Satan, i bole hita lakea na harikianga ne Tuna a hatena.

1 Petrus 2:4

E Kristo i manga a kedo mahuri, ri koi vona e huriki a bakovi. Pali a Vure i vulakia, i ngaru hatekea. Na tahuna mu valai ne Kristo, mua ranga mu manga a kedo mahuri. Ni ru palupu mua, mu bele manga a roho na Vure, ge mua e huriki a prister na Vure, mu gu habi na Vure a nihabi ge vivi vona, a vuhuna a leho i ratea e Isu Kristo.