Lukas 3:11 - A Nitana Vure

¹¹ E Ioanes i koli, i ta maea, “A viri i tahoka a varakia i rua, ge habia tara na viri i bala a varakia. A viri i tahoka a maki ni kani, ge habi ranga na viri i uka maki ni kani.”

Lukas 3:11 Iomraidhean Croise

Mateo 25:40

“A Hariki bara i koli, i ta maea, ‘A taki muholi mua, a ra maki mu rata virihi e huriki a turagu matasia vona, mu rata virihi iau.’

Lukas 11:41

Pali bara mu kori e huriki a matasia na hatene mua, bara mu kabakaba na matana Vure.

Lukas 18:22

Na tahuna e Isu i longoa, i takia, “A maki tara i uka ma o ratea ma. O vano o habi a maki lobo vomu ni gi kona. O bole a mapana o habi ne huriki a matasia, bara o tahoka a mahala na hunu. Muri o valai o muri nau.”

Lukas 19:8

Na tahuna ri made na ruma, e Sakeus i pesi rike, i takia e Bakovi Dagi, i ta maea, “Ga veru na naguna ge rua a maki lobo nau. A tabekena tara ga habi ne huriki a matasia. E huriki a tami ria hosi, a panaho a maki ne ria, ga koli balaka va tabu.”

Ioanes 13:29

I ranga e huriki ri luhoi e Isu i takia e Iudas ge kona a maki na habu, o ge habi a maki ranga ne huriki a matasia, a vuhuna i matakari a tava ne ria.

Apostolo 10:2

E Kornelius turane huriki a kabu vona ri togoa a Vure. I hatebalala, i kori vakaroro e huriki a matasia, i vasileki na Vure na parava vakaroro.

Apostolo 10:31

I taki iau, i ta maea, ‘Kornelius, a Vure i longo pali a nivasileki vomu, i matai a hini o kori e huriki a matasia vona.

Apostolo 10:4

Lakea e Kornelius i mangenge hateka, i matanono tamoroa, i nanea, “Bakovi Dagi, i navai?” A agelo i koli, i ta maea, “A Vure i longo a nivasileki vomu, i matai a hini o kori e huriki a matasia, i vivi vomu.

Epesus 4:28

A panaho, nahea ge panaho tabu. Ge leho tora na limana, ge tahoka a maki ni habi ne huriki a matasia ranga.

1 Timoti 6:17

O taki e huriki ri tahoka a mahala i kupo, nahea ri gi bibi rike mule ria. A mahala na malala bara i lobo vakaturutu, lakea nahea ri gi luhoi ge kori ria. Ri gi luhoi kunanea a Vure, a vuhuna a Vure i hatebalala. I habi ne hita a maki lobo si gi pitei vona.

1 Timoti 6:18

O taki ria ge ria a mari ni rata a naro kamumu, ni tuhori e huriki, ri gi hatebalala.

Hibru 6:10

Mu leho tora vakaroro ni kori e huriki a tara na Vure. Mu vakasiri manga mu ngarua a Vure. I uka ma ge mata kepa vona a Vure, a vuhuna a narona i kiripiripi kunana.

Iakop 1:27

A naro i malamala na matana Vure, e Tamane hita, i maea: si gi kori e huriki a duku, e huriki a havuri, na tahuna ri bole a maregoa. A maki tara si gi ratea si gi matakari kamumu a nilaho ne hita, i uka ma si gi ramai a rabu na malala, ma si gi katoki na matana Vure.

Iakop 2:14

Mua e huriki e turagu, a ra a maki i kamumu vona a bakovi ge takia ta i luhoi torea e Isu, pali a narona i uka ma i vakasiri mavongea? A niluhoi maea, i uka ma ge korimulea.

1 Ioanes 3:17

Pali a bakovi tara ge tahoka a mahala na malala, i matai e turana i bala a maki, pali i uka ma i dodoa, i uka ma i tuhoria, ngane a ningaru na Vure i uka ma i tabuli na hatena.

1 Ioanes 4:20

E rei a viri i taki ta i ngarua a Vure, pali i mari koi e turana, ia i tatami. I uka ma i ngarua e turana, ra i masia na matana, pali ge ngaru navia a Vure, ra i uka ma i masia ma.