Lukas 24:47 - A Nitana Vure

⁴⁷ Mu vakatubu o Ierusalem, mu vara na tanga lobo na malala a ngava ne huriki ri gi pulo a vilone ria, lakea a Vure ge puga vuroki a naro hale ne ria.

Lukas 24:47 Iomraidhean Croise

A Vuhuna 12:3

E huriki ri gamai ioe, iau tara ga gamai ria. Pali e rei a viri i ruduraha ioe, bara ruduraha ia. Ne vomu kunana, ga gamai lobo e huriki a bakovi na malala.”

Mateo 28:19

I mavonga mu vano, mu lakea na tanga lobo na malala. Mu vahilolo e huriki na rane Tata, ne Tuna, na Hanu Kiripiripi. Mu tovo ria ri gi ramai a ngava lobo a habi ne mua. I mavonga bara mu rata ria ge ria e huriki a murimuri nau. Mu longo. Iau ga made vakaroro turane mua, ge vano ge harena na nilobona malala.”

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Mateo 9:13

Mu vano mu luhoi kado taroa a nitana Vure iea: ‘I uka ma a ngaru a nihabi. A ngaru a rabu ni dodo.’ Iau a valai i uka ma ga gale mua e huriki mu luhoi ta mu malamala mu gu pulo a vilone mua. A valai ga gale e huriki ri naro hale ri gi pulo a vilone ria.”

Lukas 13:34

Muri e Isu i ta maea, “Ierusalem, Ieru­salem! Mu rabalaki e huriki a propet, mu padimate na kedo e huriki a rudu valai ne mua. Balaka kupo a ngaru ni kali­popo palupu mua, i manga a kinana kureko i kavi­tagu a maka tuna na kara­pana, ga mata­kari mua. Pali mu koi mua.

Apostolo 10:43

E huriki a propet ri vakalongo muga vona pali. Ri vakalongo ne e rei a viri i luhoi tora ia, a Vure bara i puga a naro hale vona na rane Isu.”

Apostolo 11:18

Na tahuna ri longoa a nitana, ri uka ngava, lakea ri kavurikea a Vure, ri ta maea, “Ngane si lohoka vona e huriki a bakovi i uka ma ria a Iuda, ria ranga a Vure i ngaru ria ri gi pulo a vilone ria, ri gi bole a nimahuri vakaroro.”

Apostolo 13:46

Lakea e Paulus e Barnabas ru koli paga paga kunana, i uka ma ru mangenge, ru ta maea, “A Vure i ngaru maria miri gi vakalongo muga ne mua a nitana. Pali mu marikoi vona a nita iea. Mu vakasiri mua, i uka ma mua a viri kamumu ni bole a nimahuri vakaroro. Ngane miri gi matataro mua, miri gi lakea ne huriki i uka ma ria a Iuda.

Apostolo 2:38

E Petrus i koli, i ta maea, “Mua lobo, mu pulo a vilone mua, ni gi vahilolo na rane Kristo, lakea a Vure bara i puga vuroki a naro hale ne mua. Muri bara i habi ne mua a Hanu Kiripiripi.

Apostolo 20:21

A taki tora e huriki a Iuda, e huriki a Grik, ri gi pulo a vilone ria, ri gi ramaia a Vure, ri gi luhoi torea a Bakovi Dagi ne hita, e Isu Kristo.

Apostolo 26:18

go vakapalala a matane ria, ri gi pe a uvo, ri gi valai na hini i palala, ri gi ha vona a nitora ne Satan, ri gi valai na Vure, i mavonga a Vure bara i puga vuroki a naro hale ne ria, ri gi bole a murine ria turana e huriki ri luhoi a Vure ni vulaki pali.’

Apostolo 26:20

A vakatubu ni vakalongo e huriki ri gi pulo a vilone ria, ri gi ramai a Vure, ri gi rata a naro ge vakasiri ria ri mapulo muholi pali. A vakalongo muga e huriki o Damaskus e huriki o Ierusalem. Muri a lakea na tanga lobo na tabeke ne Iudea, muri a lakea ne huriki i uka ma ria a Iuda, a vakalongo ria.

Apostolo 28:28

“I mavonga a ngaru mua mu gu lohoka vona, a velenga na nimahuri vakaroro na Vure ni vakaru lakea ne huriki i uka ma ria a Iuda. Ria bara ri longo mai!”

Apostolo 3:19

I mavonga, mu pulo a vilone mua, mu lakea mai a Vure, lakea bara i ravunu vuroki a naro hale ne mua. Mu rata mavonga, e Bakovi Dagi bara i habi a nimalo ne mua,

Apostolo 4:12

“I uka tabu tara rana bakovi ge korimule hita, a vuhuna a Vure i rudua a viri ala taku kunana ge korimule hita, re Isu.”

Apostolo 5:31

A Vure i bibi rikea a rana e Isu, i vakamadea na limana kanena, ge muga ne hita, ge korimule hita, ge rata e huriki a Israel ri gi pulo a vilone ria, ge puga a naro hale ne ria.

A Raukea e Paulus i Here Lakea ne Huriki a Rom 5:20

A Vinara ne Moses i rata e huriki ri matakilaka vona a naro hale ne ria, ri rata virihi a Vure. Na tahuna ri matakilaka vona a narone ria i hale hateka, a Vure i rata kamumu hateka e huriki.

Epesus 1:6

I ngaru si gi kavurikea vona a hini i rata kamumu hateka hita. A leho ne Tuna, ra i ngaru hatekea, i vakasiri manga a Vure i rata kamumu hateka hita.

Epesus 3:8

I habia nau a leho iea, pali iau, ne huriki lobo na tara na Vure, iau a bakovi tavula liu. Pali i rata kamumu iau, i habi a leho nau ga vara e huriki i uka ma ria a Iuda, ga taki ria na maka mahala i kupo hateka ge ne ria na tahuna ri rihi e Kristo. A mahala nga ri dagi hateka, si keri ni matakilala.

Kolosi 1:27

Na ningaru vona kunana, a Vure i puka talea a niluhoi kapiloho vona ne ria. I ngaru ri gi lohoka vona a niluhoi kapiloho. Ra niluhoi kapiloho vona i kamumu hateka, i habi a nipara dagi ne huriki i uka ma ria a Iuda. A niluhoi kapiloho i maea: a Vure i ngaru e Kristo ge made pololilo ne mua e huriki i uka ma mua a Iuda. Ngane mu malamala bara mu pasimata vona a Vure ge bole dili mua na hunu.

1 Ioanes 2:12

Mua e huriki e tugu, a here lakea ne mua, a vuhuna a Vure i puga vuroki na rane Kristo a naro hale ne mua.