Lukas 24:36 - A Nitana Vure

³⁶ Ru tabana ni tuverei, lakea e Isu i bele ne ria, i pesi na kurukurune ria, i ta maea, “A nivalemu ge turane mua.”

Lukas 24:36 Iomraidhean Croise

Mateo 10:13

A tahona ruma ge rata kamumu mua, mu nanea a Vure ge rata kamumua. Pali a tahona ruma i uka ma ge rata kamumu mua, a Vure i uka ma ge rata kamumua.

Markus 16:14

Muri e Isu i bele taho e huriki a murimuri vona ala ravulu a polona i taku na tahuna ri kani. I tahate ria, a vuhuna i uka ma ri luhoi tora, ri gigi tora hateka, i uka ma ri luhoi e huriki ri masia na tahuna i mahuri mule pali.

Lukas 10:5

“Na tahuna mu dili na ruma na viri, mu takia, ‘O made na nivalemu.’

Ioanes 14:27

Iau a habi a nivalemu ne mua. A nivalemu nau a habi ne mua. I uka ma a habi a nivalemu ne mua ge manga e huriki na malala ri habi. Naha ni loho lege lae, naha ni mangenge.

Ioanes 16:33

“A taki mua vona a maka ngava nga, lakea na tahuna mu made turagu, bara mu tahoka a nivalemu. Na tahuna mu made na malala bara mu bole a nimadihi. Pali mu tuhaka! A rangi pali a nitora na malala.”

Ioanes 20:26

A parava i polorua i lobo, e huriki a murimuri ri vapopo tabu na ruma. E Tomas i turane ria ngane. A maka logo ni tukari lobo, pali e Isu i valai, i pesi na kurukurune ria, i ta maea, “Mu made na nivalemu!”

Apostolo 1:3

Muri ne Isu i mate, i luve ne ria, i vakasiri kavakava ria, ne ia i mahuri mule pali. Na parava i ravulu va, i bele balaka kupo ne ria, i tovo ria na harikianga na Vure.

1 Korin 15:5

Muri i bele ne Sipas. Muri i bele ne huriki a murimuri ala 12.

1 Korin 15:7

Muri i bele ne Iakop. Muri i bele ne huriki a apostolo.

2 Tesalonika 3:16

E Bakovi Dagi ia a vuhuna a nivalemu. Ge habi a nivalemu ne mua na parava vakaroro, ge habi a nivalemu ne mua na maki lobo, ge made turane mua.

Kapiloho 1:4

Iau e Ioanes a here lakea ne mua e huriki a tara na Vure i polorua, mu made o Asia. Ra Viri i made mona, i made hosi, bara i hamule valai, i rata kamumu mua, i habi a nivalemu ne mua. Pali e huriki a hanu i polorua, ra ri pesi na ngalana gula hariki vona, ria ranga ri gi rata kamumu mua, ri gi habi a nivalemu ne mua.