Lukas 24:32 - A Nitana Vure

³² Lakea ru vanana, ru ta maea, “Muholi hateka, i rikerike a hatene tarua, na tahuna te lalaho na dala, i ta turane tarua, i tuveve puru ne tarua a ngava lobo na Hinere.”

Lukas 24:32 Iomraidhean Croise

Markus 4:34

I uka ma i ta kavakava, i ta vakakika kunana. Pali na tahuna i made turana e huriki a murimuri vona kunana, bara i tuveve polo ne ria a ngava lobo.

Lukas 24:45

Muri e Isu i vakapalala a gine ria, ri gi lohoka na ngava ni here puru na Hinere.

Ioanes 6:63

A Hanuna Vure i habi a nimahuri, pali a bakovi i keri. A ngava a taki mua vona i vakasiri mua a Hanuna Vure, ra viri i habi a nimahuri.

Apostolo 28:23

Muri ri rua tara parava ri gi vapopo turane Paulus vona. I bele a parava iea, lakea e huriki ala kupo hateka ri valai maia a ruma i made vona. I vara ria vona a parava iea, i vakatubu na hatelanga, i vano i harena na haro i puru. I toni ni rata ria ri gi luhoi torea e Isu, lakea i vakasiri ria na vinara ne Moses, na Hinere ne huriki a propet, i vakalongo ria vona a harikianga na Vure.

Hibru 4:12

Si gi toni a bulune hita, a vuhuna a nitana Vure i mahuri, i tahoka a nitora. I vere hateka, i rangi a bainat i vere a tabekena i rua. I dili liu na hatene hita, a hanune hita, i manga a bainat i dili na bobona viri, i pala pida a tuhana viri. I pelekado a niluhoi, a ningaru kapiloho ne hita.