Lukas 24:19 - A Nitana Vure

¹⁹ E Isu i koli i ta maea, “A ra maki?” Lakea ru ta maea, “A maki i bele ne Isu o Nasaret. Ia a propet i tahoka a nitora dagi na nitana, a nitora dagi na ni rata a nivakasiri na matana Vure, na matane huriki a bakovi, a ngatavine.

Lukas 24:19 Iomraidhean Croise

Mateo 21:11

Lakea e huriki ri laho turana ri koli, ri ta maea, “Ra bakovi iea e Isu, a propet i valai o Nasaret, na tabeke ne Galili.”

Markus 1:24

“Isu, ioe a bakovi o Nasaret, o valai go rata navai mia? O valai ni ratapile mia? Iau a lohoka vomu. Ioe a Viri Malamala na Vure.”

Lukas 24:18

A viri tara ne rua, a rana e Kleopas, i koli i ta maea, “Ioe kunana a mosi ne Ierusalem, o uka ma o lohoka vona a maki i bele vonga?”

Lukas 7:16

E huriki lobo ri mangenge, ri kavurikea a Vure. Lakea ri ta maea, “A propet dagi i bele na kurukurune hita. A Vure i valai pali ge tuhori e huriki a ngate vona.”

Ioanes 3:2

I luve ne Isu na rodo, i ta maea, “Mari ni tovo, mi lohoka vona a Vure i rudu valai ioe, go tovo e huriki. A bakovi ra Vure i laho turana kunana, bara i rata a maka nivakasiri, i manga a hini ioe o rata.”

Ioanes 4:19

Lakea a ngatavine i koli, i ta maea, “Bakovi Dagi, a lohoka vomu ngane, ioe a propet.

Ioanes 6:14

Na tahuna e huriki ri matakilalea a nivakasiri e Isu i ratea, ri ta maea, “Muholi hateka, ra bakovi iea a propet ni taki ge valai na malala.”

Ioanes 7:52

Pali ri ratapilea na ngava, ri ta maea, “Ioe tara a bakovi o Galili. O gi kamumua a Nita na Vure, bara o masia i uka tara propet ge valai o Galili.”

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 2:22

“Mua o huriki a bakovi o Israel, mu longo valai. E Isu o Nasaret, a Vure i rata na limana a maka nivakasiri dagi i kupo na matane mua, i vakasiri mua ne Isu i uka ma i tatami. Mu lohoka vona.

Apostolo 7:22

E Moses ni tovo kamumu na lohokanga lobo ne Egipto. I moro hateka na nita, na leho vona.

Vinara 18:15

“Pali e BAKOVI DAGI, a Vure ne mua, bara i vulakia tara turane mua ge ia a propet manga iau, mu ramaia a nitana.