Lukas 22:43 - A Nitana Vure

⁴³ Muri a agelo tara i bele valai na hunu, i tuhoria.

Lukas 22:43 Iomraidhean Croise

Mateo 26:53

Iau bara ngaru, bara takia e Tata, bara i rudu valai a tara bulolo ne huriki a agelo, ri gi kori iau.

Mateo 4:11

Muri a hanitu i ha taroa. I valai ngane e huriki a agelo ri tuhoria.

Mateo 4:6

i takia, “Ge ioe a Tuna Vure, o to raga, a vuhuna a ngava ni here puru na Hinere i maea, ‘A Vure bara i rudu e huriki a agelo vona, ri valai ri matakari ioe. Ri gi bole rike ioe na limane ria, ma ge padi a vahamu a kedo.’”

Lukas 22:32

Pali iau a vasileki pali vomu nahea go lohopile iau. Muri, na tahuna o hamule valai tabu nau, o tuhori e huriki a turamu ri gi pesi tora tabu.”

Apostolo 14:22

ru vakatora a niluhoi ne huriki a murimuri vonga ri gi pesi tora na niluhoi torea e Kristo, ru ta maea, “Bara si bole a nimadihi i kupo muga ni dili na harikianga na Vure.”

Apostolo 18:23

I made o Antiok na parava ranga, muri i malaga, i laho lae na maka tanga na tabeke ne Galesia e Prigia, i vakatora a niluhoi ne huriki a murimuri na tanga takutaku.

Vinara 3:28

O matai kunanea pali a malala. O vakukua e Iosua o vakatorea a niluhoi vona, ge muga e huriki ri gi bole a malala ge ne vone ria.’

1 Timoti 3:16

I muholi hateka, a ngava na naro na Vure i kamumu hateka. Ra ngava iea hosi i kapiloho, pali ngane ni taki tala pali ne hita. A ngava iea i maea: E Kristo ni poda, i bele manga a bakovi. A Hanu Kiripiripi i vakasiri a narona i kamumu. E huriki a agelo ri masia. A velengana ni vakalongo na tanga lobo na malala. E huriki ranga koea na malala ri luhoi torea. Ni bole sike na hunu, i bole a bagetuanga.

Hibru 1:14

E huriki a agelo a hanu kunana. A Vure i rudu ria ri gi tuhori e huriki a bakovi a ngatavine a Vure i korimule ria.

Hibru 1:6

Na tahuna a Vure i rudu vilia na malala e Tuna a tabua, i ta maea, “E huriki a agelo lobo ri gi kavurike ia.”

Hibru 2:17

Na naro iea kunana e Isu i bele manga muholi e huriki e turana, ge ia a prister dagi na Vure, ge rata lobo a leho a Vure i habi vona, ge dodo hita e huriki a bakovi, a ngatavine, ge puga vuroki a naro hale ne hita.