Lukas 22:41 - A Nitana Vure

⁴¹ Muri i pe ria, i laho tala popote, i turume puru, i vasileki maea,

Lukas 22:41 Iomraidhean Croise

Mateo 26:39

I laho lokovonga popote i tabuli ngala­tudu, i vasileki, “O Tata, ioe bara o ngaru, o bole vurokia nau a nimadihi dagi iea ta ge valai. Pali naha ni ramai a ningaru nau. O ramai kunana a ningaru vomu.”

Markus 14:35

E Isu i laho lokovonga popote, i tabuli ngala puru na malala i vasileki ni gi bole vuroki vona a nimadihi ta ge bolea.

Lukas 18:11

A Pariseo i pesi rike i vasileki mule vona, i ta maea, ‘Vure nau, a kavurike ioe a vuhuna iau i uka ma a manga e huriki a bakovi ranga ri rabalaki a viri, ri panaho a maki. Iau i uka ma a manga e huriki ri rata a naro hale, ri mole. Iau i uka ma a manga a bakovi iea, ra bakovi ni bole a takis.

Lukas 18:13

“Pali a bakovi ni bole a takis i pesi basi, i uka ma i mata sike na hunu. I dodo hateka vona a hini ia a bakovi hale. I maruhu hateka, i ta maea, ‘Vure nau, o dodo iau a bakovi hale.’

Apostolo 20:36

E Paulus i taki loboa ngava nga, i turume puru turane ria, ri vasileki.

Apostolo 21:5

Muri na parava i polorua i lobo mete vano. E huriki a bakovi turane girihine ria, e tune ria, ri taparaki mateu polo vavo na tanga dagi. Mi bele na lavu, mi turume puru mi vasileki.

Apostolo 7:60

Muri i turume puru i gale dagi hateka, “Bakovi Dagi, naha ni luhoi a naro hale ne ria.” Muri i mate.

Apostolo 9:40

Pali e Petrus i tono tala ria na ruma. Muri i turume puru, i vasileki. I mata lakea na podana ngatavine, i ta maea, “Tabita, o pesi rike!” Lakea i matapara. Na tahuna i masia e Petrus, i made rike.

Hibru 5:7

Na tahuna e Isu i made manga a bakovi na malala, i vasileki na Vure, i nanea ge tuhori ia. I gale tala dagi turana luha, na Viri i tahoka a nitora ni korimule ia na matenga. A Vure i longoa a nivasileki, a ningaru vona, a vuhuna i vakakiroko mule ia, i longototoa a Vure.