Lukas 22:36 - A Nitana Vure

³⁶ Lakea e Isu i taki ria i ta maea, “Pali ngane, e rei a viri i tahoka a holekopa, a kulopi, ge bole. E rei a viri i uka bainat, ge habi a varakia vona, ni gi kona, ge vano ge kona a bainat,

Lukas 22:36 Iomraidhean Croise

Mateo 10:10

Naha ni bole a hole. Naha ni bole a varakia ge rua. O bole ge taku kunana. Naha ni bole a vahapolo, a kodo. Mu laho pa, a vuhuna a vora bara ni vakani.

Lukas 22:35

Muri e Isu i nana e huriki a apostolo i ta maea, “Na tahuna a rudu tala mua, i uka ma mu laho turana holekopa, a kulopi, a vahapolo, pali mu bala ranga maki, o i uka?” Ri koli ria ri ta maea, “I uka.”

Lukas 22:37

a vuhuna a ngava ni here puru na Hinere i ta maea, ‘Ri taki ia, ta ia a turana e huriki a bakovi hale.’ A maki lobo ni here virihi mai iau vona bara i bele muholi.”

Lukas 22:38

Lakea e huriki a murimuri vona ri ta maea, “Bakovi Dagi, mi tahoka a bainat i rua.” Lakea i taki ria, “Pali kamumu.”

Ioanes 15:20

Mu luhoi mulea a ngava a taki mua vona, ‘A vora i uka ma i muga na matakari vona.’ E huriki ri rata hale iau, bara ri rata hale mua. E huriki ri longo mai a vinara nau, bara ri longo mai a vinara ne mua.

Ioanes 16:33

“A taki mua vona a maka ngava nga, lakea na tahuna mu made turagu, bara mu tahoka a nivalemu. Na tahuna mu made na malala bara mu bole a nimadihi. Pali mu tuhaka! A rangi pali a nitora na malala.”

1 Tesalonika 3:4

Mu lohoka vona, na tahuna mete made turane mua, mete vakalongo vakaroro mua ne huriki bara ri vakamadihi mua. Mu lohoka kamumu vona i bele pali manga a hini mete taki mua vona.

1 Petrus 4:1

A vuhuna e Kristo i bole a nimadihi na kakaina, mua ngane mu bole a niluhoi vona, mu dava ni bole a nimadihi. E rei a viri i bole a nimadihi na kakaina, i lobo pali ni ratena a naro hale.