Lukas 21:8 - A Nitana Vure

⁸ E Isu i koli i ta maea, “Mu matadoko vona e huriki ri gi tami mua. A bakovi ala kupo bara ri valai na ragu, ri tatami maea, ‘Iau e Kristo,’ o bara ri ta maea, ‘A parava i valai pali!’ Naha ni longo mai ria.

Lukas 21:8 Iomraidhean Croise

Mateo 24:11

E huriki a nitamina propet ala kupo bara ri bele, ri tami e huriki.

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Mateo 4:17

Ngane e Isu i vakatubu ni vara maea, “Mu pulo a vilone mua. A harikianga na hunu i tabukoi ge bele.”

Lukas 17:23

E huriki a bakovi bara ri taki mua, ri ta maea, ‘Mu mata lakea, i made lake,’ o ‘Mu mata valai, i made koea.’ Naha ni vano. Naha ni nunu muri mai ria.

Lukas 21:7

Muri ri nanea e Isu ri ta maea, “Mari ni tovo, garika ge bele a maki nga? Ge mata navai a kilakila vona, si gi matakilaka vona a maki nga ge bele?”

Lukas 21:9

Na tahuna mu longo a velengana vaubinga dagi, naha ni mangenge, a vuhuna a maki nga bara ri bele taro. Pali a nilobona parava i tabana.”

Ioanes 5:43

A valai na rane Tata, pali i uka ma mu tagui iau. Pali i ranga e huriki ri valai na rane ria kunana, mu tagui ria.

Ioanes 8:24

A taki mua pali, bara mu mate turana naro hale ne mua. Pali mua i uka mu gu luhoi ge iau ra iau kunana, muholi hateka bara mu mate turana naro hale ne mua.”

Ioanes 8:28

Lakea e Isu i ta maea, “Na tahuna mu bole rikea a Tuna Bakovi, bara mu matakilaka vona iau kunana ra viri a takikia. Bara mu matakilala iau i uka ma a ratea tara maki na ningaru nau kunana. A taki polo kunana a maki e Tata i tovo iau vona.

1 Korin 6:9

I navai? I uka ma mu lohoka vona? E huriki ri rata a naro hale i uka ma ri gi dili na harikianga na Vure. Naha ni tami mule mua. E huriki ri mole, e huriki ri kavurike a vure ranga, e huriki ri tuli e girihina viri tara, e huriki a bakovi ri radi a bakovi,

Epesus 5:6

A naro nga ri rata a rongova na Vure i rike ne huriki ri longotaro ia. Nahea tara viri ge tami mua na ngava tavulavula.

2 Tesalonika 2:3

Naha ni longo mai ria, a vuhuna a parava iea i uka ma ge bele tavula. I muga, e huriki ala kupo bara ri tagege, ri longotaro a nitana Vure. Muri, a bakovi ni longotaro a Vure bara i bele kavakava, ra bakovi iea bara i vurua na kanono.

2 Timoti 3:13

Pali e huriki a bakovi hale, e huriki a bakovi na taminga, a narone ria bara i hale liu. Ri tami e huriki. Ria ranga, e huriki bara ri tami ria.

1 Ioanes 4:1

Mua e huriki a turagu, e huriki a nitamina propet ri laho lae. I mavonga, naha ni longo mai a nitovo ne huriki a bakovi lobo. Mu toni a niluhoi ne ria, ri valai na Vure, o i uka.

2 Ioanes 1:7

A bakovi ala kupo ri laho lae, ri takia e Isu Kristo, na tahuna i valai koea na malala, ta i uka ma i bele manga a bakovi. E rei a viri i tovo maea, ia a bakovi na taminga, a pile ne Kristo.

Kapiloho 1:3

E rei a viri ge gi tala a ngava na nita propet iea, ge vivi. E huriki ri longoa, ri longototo a ngava nga ni here, ria ranga ri gi vivi, a vuhuna a parava i valai tabukoi pali.

Kapiloho 12:9

Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.