Lukas 21:34 - A Nitana Vure

³⁴ “Mu matadoko, nahea mu gu luhoi lege­lege na nimade koea na malala. Nahea mu gu ninu mu gu manga manga, mu gu rata a maka naro hale, ma ge vaka­pae mua a maka rabu nga. Bara mu turutu na tahuna a parava iea i bele vakaturutu, i lakavu mua i manga a hoa i lakavua a kadirovo.

Lukas 21:34 Iomraidhean Croise

A Vuhuna 19:32

Tu gu vakaninua na vain e tamane tarua, muri tu gu mahita turana, tu gu vakabele a hamone teu.”

A Vuhuna 19:35

Lakea ru ratea e tamane rua i ninu tabu a vain vona a rodo iea, muri a viri kiroko i dili i mahita turana. Pali i manga a hini muga, i uka ma i hatakia re tuna kiroko na tahuna i mahita turana o na tahuna i pesi rike.

A Vuhuna 27:14

Lakea i vano i rabalaki a meme kiroko i rua, i bole lakea ne kinana, i rata a maki ni kani i namika, i manga a hini i ngaru e tamana.

E Levi 10:9

“Na tahuna ioe turana e tumu ala rua moto dili na Kape na Vaponga, naha ni ninu a vain a naru vagole, ma moto go mate. Ra vinara iea, ge ramai vakaroroa e huriki a hamone matou.

Mateo 13:22

“A vutuna vit i boru langa na barakau i manga a bakovi i longoa a ngava, pali i luhoi hateka a nimadena. A ningaru dagi vona ni bole a mahala i kupo i tamia. A niluhoi nga ru kavitagua a ngava muholi, i uka ma i vakabele a kanena.

Markus 13:9

“Mu tagari mua. Bara ni ru mua na limane huriki a bakovi ni pelekado a ngava, bara ni lagu mua pololilo na roho na vaponga. Bara ri vakapesi mua na matane huriki a matakari, a hariki, a vuhuna mu ramai iau. Na naro iea kunana bara mu vakalongo ria na Velenga Kamumu.

Markus 4:19

pali a niluhoi legelege na nimade na malala, a nimasigoro na mahala, a ningaru na maki ranga ri valai ri kavitagu a ngava ni varo, lakea i uka ma ri vua.

Lukas 10:41

Pali e Bakovi Dagi i koli, i ta maea, “Marta, Marta. Ioe o luhoi hateka a maki i kupo.

Lukas 12:40

I mavonga, mu pasimata vona a Tuna Bakovi, a vuhuna bara i valai na tahuna i uka ma mu luhoi ge valai vona.”

Lukas 17:3

I mavonga, mu matadoko! “Ioe bara o masia e turamu ge rata a naro hale mai ioe, o tahatea. Ia ge pulo a vilona, o lohopile a maki hale i rata virihi ioe vona.

Lukas 21:35

A parava iea ge bele ne huriki lobo ri made na malala.

Lukas 21:8

E Isu i koli i ta maea, “Mu matadoko vona e huriki ri gi tami mua. A bakovi ala kupo bara ri valai na ragu, ri tatami maea, ‘Iau e Kristo,’ o bara ri ta maea, ‘A parava i valai pali!’ Naha ni longo mai ria.

Lukas 8:14

“A maka vutuna vit ri boru langa na hini i rako vona a barakau, ri manga e huriki ri longo a ngava, pali ri muri mai a ningaru ne ria kunana. Ri loho lege lae na nimade ne ria, na mahala, na bagetua, lakea i putukari ria ni vakabele a kanene ria.

1 Korin 5:11

Pali ngane a here, a taki mua nahea mu gu laho turana e huriki ri taki ta ria a turane mua, pali ri rata a naro na molenga, ri muma, ri kavurike a vure ranga, ri padi a kidune huriki, ri ninu a naru vagole lakea ri manga, ri panaho. E huriki a bakovi maea, naha ni ta turane ria, naha ni kani turane ria.

1 Korin 6:10

e huriki a panaho, e huriki ri muma, e huriki ri ninu a naru vagole ri manga, e huriki ri ta padimomo, e huriki ri radi a maki na viri tara, re huriki a bakovi a ngatavine maea i uka ma ri gi dili na harikianga na Vure.

Galesia 5:20

a naro ni kavurike a vure taminga, a muto, a naro na ni vapile, a naro ni vabiu, a naro ni marikoi vona a viri i tahoka a maki, a naro ni hate madihi, a naro ni rata polo muga, a naro ni vapida lae, ni vapida ni rata a tara karaba,

Vinara 29:19

“Mua lobo mu matadoko, nahea tara viri i pesi mona koea ge longoa a nita tora a vakalongo mua vona, i luhoi ge kara ni polo lele vona ra ngava dagi a vakalongo, ra naro maea bara i rata mua mu bole a vuranga, turane huriki a viri kamumu, e huriki a viri hale.

Pilipai 4:6

i mavonga naha ni loho pae vona tara maki. Pali mu vasileki na maki lobo. Mu takia a Vure a ra maki mu ngarua. Mu kavurike ia vona a maki lobo i rata pali.

Hibru 12:15

Nahea tara viri ne mua ge boru, ge ha taroa a naro kamumu na Vure. A viri i rata mavonga, ma ge bole dili a naro hale, ge bele a maregoa, lakea e huriki ala kupo bara ri katoki na matana Vure.

2 Petrus 3:10

A Parava ne Bakovi Dagi bara i bele vaka­turutu kunana, i manga a bakovi ni panaho. Na parava iea a hunu bara i tangi pahumu dagi, i marakavelu. A maka maki na hunu, a Vure bara i gutu parina ria na kanono, ri gi lobo liu. I mavonga, a naro lobo ni rata koea na malala ri gi bele kavakava.

2 Petrus 3:14

I mavonga, mua e huriki a turagu, mu toni a bulune mua ni laho malamala, ge uka ranga naro hale mu gu rata, lakea bara mu made na nivalemu. Muri ma, na tahuna a Parava iea ge valai, ra mu davea, e Bakovi Dagi bara i matai mua mu laho kamumu.

Kapiloho 3:3

Mu luhoi tabu a ngava mu longoa, mu longototoa hosi. Mu longototoa, mu pulo a vilone mua. Mua bara mu koi ni hadongo, bara valai manga a viri i panaho. Bara valai vakaturutu, a habi a nimadihi ne mua.