Lukas 21:23 - A Nitana Vure

²³ E huriki a ngatavine ri singou, e huriki a ngatavine ri vakaruru, bara ri marego hateka na parava iea! A nimadihi dagi bara i bele o Israel. A Vure ge tahate e huriki a bakovi a ngatavine na tahuna iea.

Lukas 21:23 Iomraidhean Croise

Mateo 21:16

Lakea ri nanea e Isu, “A ngava i taki e huriki a koma kiroko, o longo?” I koli i ta maea, “A longo. Pali mua, a ngava ni here hosi na Hinere, mu longoa o i uka? Ni here maea: ‘E huriki a koma kiroko, a koma ri ruru, o rata ria ri kavurike ioe.’”

Mateo 21:41

Ri koli ri ta maea, “Bara i rabalaki e huriki a bakovi hale nga. Muri bara i habia ne huriki a bakovi na leho ranga a hania na vain vona. Pali na tahuna na nimirio, bara ri habi mule na tahona malala ranga kanena vain.”

Mateo 21:44

E rei a viri i boru langa na kedo iea bara i bole a vuranga. Na tahuna a kedo iea ge boru tahoa a viri, bara i ubi momoa.”

Mateo 24:19

E huriki a ngatavine ri singou, e huriki a ngatavine ri vakaruru a koma kiroko, bara ri marego hateka na parava iea!

Markus 13:17

E huriki a ngatavine ri singou, e huriki a ngatavine ri vakaruru, bara ri marego hateka na parava iea!

Lukas 19:27

Pali ngane i vai e huriki a gimagu ri koi nau ge iau a hariki ne ria? Mu bole valai ria mu rabalaki ria na matagu.’”

Lukas 19:43

Lakea a parava bara i valai, e huriki a pile ne mua bara ri pesi halui mua, ri gi keli kadolu rike a malala na nure, lakea e huriki a pile bara ri page poloa a nure, ri dili na tanga, ri bolea.

Lukas 23:29

a vuhuna a parava popote ge valai e huriki ri gi ta maea, ‘Ri gi vivi e huriki a ngatavine ri lame, i uka ma ri vakaruru a koma.’

1 Korin 7:26

A parava mona, a tahuna na nimava, lakea iau a luhoi i kamumu e huriki i uka ma ri parangi ma, ri gi made mavonga kunana.

1 Tesalonika 2:16

a vuhuna ri ngaru ni ta pupukari mateu nahea mete ge vakalongo a Velenga Kamumu ne mua e huriki i uka ma mua a Iuda. Ri koi mu gu bole a nimahuri vakaroro. Ra i mavonga, a naro hale ne huriki a Iuda nga ri vakalipopo ri kupo hateka. Ngane a Vure i madihi a hatena pali ne ria, i pelekado ria.

Hibru 13:16

Naha ni longo kaburungi ni rata a naro kamumu ne huriki a turane mua, a vuhuna a Vure i ngarua ra naro iea. E huriki ranga ri bala a maki, mu habi ne ria ranga maki mu tahoka.

Iakop 5:1

Mua e huriki mu tahoka a mahala i kupo, mu longo kamumu! Mu tangi mu haloho vona a maka maregoa dagi ge bele ne mua.

1 Petrus 4:17

A parava i bele pali e huriki a tara na Vure ni gi pelekado. A nipelekado ge tubu ne hita, ge bele navai ne huriki i uka ma ri longototo a Velenga Kamumu na Vure?