Lukas 20:36 - A Nitana Vure

³⁶ a vuhuna ri manga a agelo, i uka ma ri gi mate tabu. Ria e huriki e tuna Vure, a vuhuna ri mahuri mule na nimate.

Lukas 20:36 Iomraidhean Croise

Mateo 22:30

Muri ma, na tahuna e huriki ri gi mahuri mule na matenga, i uka ma ri gi vaparangi. Bara ri made manga e huriki a agelo na hunu.

Markus 12:25

Muri ma, na tahuna e huriki ri gi mahuri mule na matenga, i uka ma ri gi vaparangi. Bara ri made manga e huriki a agelo na hunu.

A Raukea e Paulus i Here Lakea ne Huriki a Rom 8:16

A Hanuna Vure i vakasiri, si ta muholi na tahuna si taki hita, hita e huriki a tuna Vure.

1 Korin 15:26

A ikuna pile ge ratapilea, a matenga,

1 Korin 15:42

I mavonga kunana a naro ni mahuri mule. A podane hita ni tanu bara i bera. Pali a kakaina viri i mahuri mule i uka ma ge bera.

1 Korin 15:49

Ngane si manga a bakovi ni rata na habulo. Pali muri ma bara si bele manga ra bakovi i valai na hunu.

Pilipai 3:21

Bara i rata a kakaine hita tavula i mapulo, bara i bele manga a kakaine Kristo, ra i bagetu hateka. Bara i rata mavonga na nitora vona, ra i rata a maki lobo i tabuli na limana.

Kapiloho 21:4

Ge ravu vuroki a luhane ria, i uka ma ri gi tangi tabu, i uka ma ri gi mate tabu, i uka ma ri gi dodo tabu, i uka ma ri gi bole tabu a nimadihi, a vuhuna a maka maki hosi i lobo.”

Kapiloho 22:9

Pali i taki iau, i ta maea, “Naha ni rata mavonga! Iau tara a vora manga ioe, e huriki e turamu, e huriki a propet, e huriki ri longo mai a ngava na buk iea. O kavurike kunanea na Vure.”