Lukas 2:47 - A Nitana Vure

⁴⁷ E huriki lobo ri longoa a ngavana ri turutu vona a lohokanga vona, a maka ngava i koli ne ria.

Lukas 2:47 Iomraidhean Croise

Mateo 13:54

I bele na tanga vona, i dili na roho na vaponga, i vakatubu ni vara e huriki. E huriki vonga ri turutu vona, ri vanana, “Ra bakovi iea, i bolea vai a lohokanga? I bole vai a nitora ni rata a nivakasiri?

Mateo 22:33

Na tahuna e huriki ri longoa a ngavana, ri turutu vona a nitovo vona.

Mateo 7:28

E Isu i ta lobo, lakea e huriki ri turutu vona a nivara vona,

Markus 1:22

E huriki ri turutu na vinara vona, a vuhuna i uka ma i vara manga e huriki a mari na vinara. I vara manga a bakovi i tahoka a nitora.

Markus 11:18

E huriki a prister dagi, a mari na vinara, ri longoa, ri vakatubu ni matakanea a dala ri gi rabalaki ia vona. Ri mangenge vona, a vuhuna e huriki lobo ri turutu na vinara vona.

Markus 6:2

Na Parava Nimalo e Isu i vakatubu ni vara pololilo na roho na vaponga. Na tahuna e huriki ri longoa ri turutu vona, ri nana, “Ra bakovi iea, i bole vai a naro nga? E rei i habia vona a lohokanga, a nitora ni rata a nivakasiri?

Lukas 2:18

E huriki ri longoa a ngavane huriki a matakari na sipsip ri turutu vona.

Lukas 2:46

I lobo a parava i tolu, ru matavisia na tabeke na roho na Vure. I made turana e huriki a mari ni tovo, i longo a nitane ria, i nana ria na ngava.

Lukas 4:22

E huriki lobo ri kavurikea, ri turutu vona a maka ngava kamumu i taki. Ri vanana, “Ra bakovi iea, e tune Iosep kunana?”

Lukas 4:32

Ri turutu vona a vinara vona, a vuhuna a ngavana i tahoka a nitora.

Ioanes 7:15

A nivara ne Isu i rata e huriki a Iuda ri ngapa, lakea ri vanana, “Ra bakovi iea, i bole vai a lohokanga? I uka tara viri ge tovoa.”

Ioanes 7:46

Lakea e huriki a tagari ri vakalongo, ri ta maea, “I uka tara viri ge ta manga a bakovi iea.”