Lukas 2:4 - A Nitana Vure

⁴ E Iosep tara i pea e Nasaret na tabeke ne Galili, i hamule o Iudea, na tanga ni gale e Betlehem, a vuhutanga ne Davit, a vuhuna ia a hamone Davit.

Lukas 2:4 Iomraidhean Croise

A Vuhuna 35:19

E Resel i mate, ni tanu na dala lakea o Eprata, ngane ni gale e Betlehem.

A Vuhuna 48:7

Na tahuna a hamule o Padan, a dodo hatekea e kinamu e Resel i mate tabukoi o Eprata na robo e Kenan. Lakea a tanu tabukoi ia na dala lakea o Eprata, re Betlehem.”

Mateo 1:20

I tabana ni luhoi ni rata mavonga, lakea a agelo ne Bakovi Dagi i bele vona na vurena, i ta maea, “Iosep, hamone Davit, naha ni mangenge ni bolena e Maria ge girihimu, a vuhuna a maki i bele vona, i valai na Hanu Kiripiripi.

Mateo 2:23

To vano to made o Nasaret. Ngane i bele muholi a ngava na propet i ta maea, “Bara ni gale ia a koma o Nasaret.”

Lukas 2:5

I hamule lokovonga turane Maria, ru gu here puru a rane rua, a vuhuna e Maria ni habikari vona. E Maria i singou,

Lukas 4:16

Muri i lakea o Nasaret, na tanga i koru rike vona. Na Parava Nimalo, i lakea na roho na vaponga, i manga a naro i rata vakaroro. I pesi rike i gi.

Ioanes 1:46

Lakea e Nataniel i nana, “A ra maki kamumu ge bele na tanga e Nasaret?” E Pilip i koli, i ta maea, “O valai o masia.”

Ioanes 7:42

A Hinere i taki e Kristo ge valai na kabu ne Davit, na tanga ne Davit, e Betlehem.”

E Rut A Nita Vakalohoka 1:19

Lakea ru vano, ru bele o Betlehem. Na tahuna ru bele, e huriki lobo ri turutu ni matai rua. Lakea e huriki a ngatavine ri vanana, “E rei a viri iea? E Naomi muholi?”

E Rut A Nita Vakalohoka 2:4

I uka ma i tabaka, e Boas i hamule o Betlehem, i tagui e huriki ri mirio, i ta maea, “E BAKOVI DAGI ge made turane mua!” Lakea ri koli, ri ta maea, “E BAKOVI DAGI ge gamai ioe!”

E Rut A Nita Vakalohoka 4:11

Muri e huriki a gare turane huriki ri vapesihi na mada, ri ta maea, “Mia lobo mi longoa. E BAKOVI DAGI ge rata kamumua ra ngatavine i valai na ruma vomu, ge manga e Resel, e Lea, ra ru hudotalea a kabu ne Israel. Pali ioe, ge ioe a bakovi dagi na kabu ne Eprata, a ramu ni gi vakarere o Betlehem.

E Rut A Nita Vakalohoka 4:17

E huriki a ngatavine na tanga ri ta maea, “E Naomi i tahoka ngane e tuna a bakovi.” Lakea ri vunua e Obed. Ia e tamane Iesi. E Iesi ia e tamane Davit.