Lukas 2:38 - A Nitana Vure

³⁸ Na tahuna e Simion i tabana ni ta turane tou, e Ana i valai mai ria, i kavurikea a Vure. Muri i vakalongo e huriki na koma iea, re huriki a bakovi a ngatavine ri pasimata na Vure ge korimule e Ierusalem.

Lukas 2:38 Iomraidhean Croise

Markus 15:43

A bakovi tara, e Iosep o Arimatea, a tara na Sanderin, e huriki ri togoa. I hatenono vona a harikianga na Vure ge valai. I kinigao, i lakea ne Pilato i nanea vona a podane Isu.

Lukas 1:68

“A kavurikea e Bakovi Dagi, a Vure ne Israel, a vuhuna i valai, i vakamatukapaga e huriki a ngate vona.

Lukas 2:25

Na tahuna iea, a bakovi tara i made o Ierusalem, a rana e Simion. Ia a bakovi malamala, a bakovi ni vasileki. E Simion i dava, i pasimata na Vure ge luke e huriki a Israel. A Hanu Kiripiripi i made turane Simion.

Lukas 2:36

A propet ngatavine tara i made vonga, a rana e Ana, e Tune Panuel, a kabu ne Aser. I gare hateka. Hosi i parangi i made turana e girihina na pida i polorua.

Lukas 23:51

I pasimata ni matai a harikianga na Vure. I uka ma i ngaru a vilo ne huriki i leho turane ria, ri rabalakia e Isu.

Lukas 24:21

Pali mia mi luhoi ia ta ge korimule e huriki a Israel. Pali ngane a toluna parava.

2 Korin 9:15

Si gi kavurikea a Vure vona a maki i habi tavula ne hita. I kamumu hateka, si keri ni tuveve polo na ngava!

Epesus 1:3

Si kavurikea a Vure, e Tamane Isu Kristo, a Bakovi Dagi ne hita. I vakabagetu hita a vuhuna si rihi e Kristo. I vakabagetu hita na maki kamumu lobo ri valai na hunu, ri kori a hanune hita.