Lukas 2:14 - A Nitana Vure

¹⁴ “Si gi kavurikea a Vure Meli Liu. Ge habi a nivalemu ne huriki a bakovi a ngatavine i vivi ne ria koea na malala.”

Lukas 2:14 Iomraidhean Croise

Mateo 21:9

E huriki ri muga, e huriki ri muri ri vivi vona, ri magulu taku, ri ta maea, “Si gi kavurikea a hamone Davit! A Vure ge vakabagetua a viri i valai na rane Bakovi Dagi! Si gi kavurikea a Vure Meli Liu!”

Lukas 1:79

Bara i vakapalala e huriki ri made na uvo, e huriki ri made na maniru na matenga. Bara i vakasiri hita na dala bara si laho vona, bara si tahoka a nivalemu.”

Lukas 19:38

“A Vure ge rata kamumu a hariki i valai na rane Bakovi Dagi! Ngane e huriki a bakovi a ngatavine ri gi made na nivalemu turana Vure. Si gi kavurikea a rana Vure Meli Liu!”

Lukas 2:13

E huriki a tara bulolo na agelo ri bele vakaturutu, ri kavurikea a Vure, ri ta maea,

Lukas 2:15

Na tahuna e huriki a agelo ri pe ria, ri hamule sike na hunu, e huriki a matakari na sipsip ri vata, ri ta maea, “Si lakea o Betlehem, si gi masia a maki i bele vonga, ra maki i vakalongo hita vona e Bakovi Dagi.”

Lukas 3:22

lakea a Hanu Kiripiripi i puru valai i manga a balu, i toka langa vona. Muri a lohona viri i ta valai meli na hunu, i ta maea, “Ioe e Tugu, a hategu. A vivi hateka vomu.”

Ioanes 14:27

Iau a habi a nivalemu ne mua. A nivalemu nau a habi ne mua. I uka ma a habi a nivalemu ne mua ge manga e huriki na malala ri habi. Naha ni loho lege lae, naha ni mangenge.

Ioanes 17:4

Iau a rata lobo a leho o habi nau ga rata, lakea e huriki a bakovi a ngatavine ri matakilala ioe, ioe o dagi hateka.

Ioanes 3:16

“I mavonga a vuhuna a Vure i ngaru hateka e huriki na malala, lakea i rudua e Tuna a bakovi a madiva ge mate, lakea e rei a viri i luhoi tora ia i uka ma ge velu, bara i bole a nimahuri vakaroro.

Apostolo 10:36

Mu lohoka vona a ngava a Vure i taki mia e huriki a Israel vona, i vakalongo a Velenga Kamumu ne huriki bara ri made na nivalemu turana Vure na tahuna ri luhoi torea e Isu Kristo, a Bakovi Dagi ne huriki lobo.

A Raukea e Paulus i Here Lakea ne Huriki a Rom 5:1

Ngane si made na nivalemu turana Vure na dala e Isu Kristo i kado purua ne hita, a vuhuna a Vure i taki hita si malamala na tahuna si luhoi torea a Bakovi Dagi e Isu Kristo.

Epesus 1:6

I ngaru si gi kavurikea vona a hini i rata kamumu hateka hita. A leho ne Tuna, ra i ngaru hatekea, i vakasiri manga a Vure i rata kamumu hateka hita.

Epesus 1:9

i mavonga, i ramai a ningaru vona, i vakasiri kavakava a niluhoi vona, ra muga i kapiloho, ra niluhoi vona ni rudu e Kristo ni korimule hita.

Epesus 2:4

Pali a Vure a mari ni dodo hateka, i ngaru hateka hita.

Epesus 2:7

I rata mavonga ne vona ni vakasiri e huriki ri gi bele muri ma, na naro i rata kamumu hateka hita na tahuna i rata hita si rihi e Isu Kristo.

Pilipai 2:11

E huriki lobo bara ri taki tala ne Isu Kristo ia a Bakovi Dagi. Na naro iea ri gi kavurikea a Vure, e Tamane hita.

Pilipai 2:13

a vuhuna a Vure i leho pololilo ne mua, i habi a ningaru ne mua, a nitora ne mua ni rata a maki i vivi vona.

Kolosi 1:20

Na nimatene Kristo na kai tavalavala, a Vure i rata a maki lobo koea na malala, meli na hunu, ri made kamumu tabu turana na nivalemu.

2 Tesalonika 2:16

E Isu Kristo a Bakovi Dagi ne hita, turana e Tamane hita, ra viri i ngaru hateka hita, i rata a naro kamumu ne hita, i luke vakaroro hita, si pasimata vona a maki kamumu ge habi ne hita muri ma,

Kapiloho 5:13

Muri a longo a maki mahuri lobo na hunu, a maki mahuri lobo na malala, polotano na malala, pololilo na dari, ria lobo ri ta maea, “A viri i made na gula hariki, turana Tuna Sipsip, si gi vakabagetu, si gi togo, si gi kavurike vakaroro rua!”