Lukas 19:42 - A Nitana Vure

⁴² i ta maea, “Mua o huriki a bakovi o Ierusalem, bara mu lohoka nau, bara mu made na nivalemu. Pali i uka ma mu matakilala iau.

Lukas 19:42 Iomraidhean Croise

Lukas 19:41

Na tahuna e Isu i bele tabukoi o Ierusalem, i masia a tanga, i taringia,

Lukas 19:43

Lakea a parava bara i valai, e huriki a pile ne mua bara ri pesi halui mua, ri gi keli kadolu rike a malala na nure, lakea e huriki a pile bara ri page poloa a nure, ri dili na tanga, ri bolea.

Lukas 19:44

Bara ri ratapile a tanga turana e huriki ri made pololilo vona. I uka tara kedo ge tabuli langa vona tara kedo tara. Bara i bele a maki nga, a vuhuna i uka ma mu matakilaka vona a parava i valai vona a Vure ge korimule mua.”

Apostolo 10:36

Mu lohoka vona a ngava a Vure i taki mia e huriki a Israel vona, i vakalongo a Velenga Kamumu ne huriki bara ri made na nivalemu turana Vure na tahuna ri luhoi torea e Isu Kristo, a Bakovi Dagi ne huriki lobo.

Apostolo 13:46

Lakea e Paulus e Barnabas ru koli paga paga kunana, i uka ma ru mangenge, ru ta maea, “A Vure i ngaru maria miri gi vakalongo muga ne mua a nitana. Pali mu marikoi vona a nita iea. Mu vakasiri mua, i uka ma mua a viri kamumu ni bole a nimahuri vakaroro. Ngane miri gi matataro mua, miri gi lakea ne huriki i uka ma ria a Iuda.

Vinara 32:29

Bara ri tahoka a niluhoi, ri lohoka vona a maki i vakahale ria.

Vinara 5:29

A ngaru ria ri gi luhoi maea vakaroro, ri gi togo iau, ri gi longototo a maka vinara nau vakaroro. Muri a leho lobo ne ria, ne huriki a hamone ria bara ri kamumu vakaroro.

Hibru 3:13

Na parava mona mu vatuhori, mu vakatora a niluhoi ne mua na parava vakaroro, ma ge tami mua a naro hale, mu gu gigi tora.

Hibru 3:15

I manga a ngava ni here puru hosi na Hinere i ta maea, “Mona, na tahuna mu longoa a Vure ge taki mua, nahea mu gu putu ngingi i manga e huriki e tubune mua hosi, ri longotaro a ngavana Vure.”

Hibru 3:7

I manga a ngava a Hanu Kiripiripi hosi i taki, “Mona na tahuna mu longoa a Vure ge taki mua,