Lukas 19:37 - A Nitana Vure

³⁷ I valai tabukoi ngane o Ierusalem, na tabeke na dala i raga valai na lolo e Oliva. Ngane e huriki a murimuri lobo ri gale dagi, ri kavurikea a Vure vona a maka nivakasiri ri matai, ri ta maea,

Lukas 19:37 Iomraidhean Croise

Mateo 21:1

Ri bele tabukoi o Ierusalem ngane, na tanga tara ni gale e Betpage, na dahana lolo e Oliva. Lakea e Isu i rudu a murimuri vona ala rua,

Markus 13:3

Na tahuna e Isu i made na lolo e Oliva i pesi na tabeke tara, i mata lakea na roho na Vure. Lakea e Petrus, e Iakop, e Ioanes, e Andreas to nana kapilohoa,

Markus 14:26

Ri kalolo lobo a linge vasileki, muri ri lakea na lolo e Oliva.

Lukas 18:43

I malaviriri kunana i matapara, i muri ne Isu i kavurikea a Vure. Na tahuna e huriki a bakovi a ngatavine ri masia a kepa iea i matapara, ria ranga ri kavurikea a Vure.

Lukas 19:20

“Muri i valai tabu tara vora, i takia a hariki, i ta maea, ‘Bakovi dagi, a moni vomu o habi nau, a sivu na marapena kala a ruhulolo.

Lukas 19:29

Na tahuna i valai tabukoi na tanga e Betpage e Betani, na dahana lolo e Oliva, i rudu muga a murimuri vona ala rua,

Lukas 19:36

Lakea e huriki ri vulala puru na dala muga na donki a varakia ne ria, i laho langa vona a donki.

Lukas 7:16

E huriki lobo ri mangenge, ri kavurikea a Vure. Lakea ri ta maea, “A propet dagi i bele na kurukurune hita. A Vure i valai pali ge tuhori e huriki a ngate vona.”

Ioanes 12:18

E huriki ala kupo ri longoa i rata a nivakasiri iea, ri lokovonga ri tagui ia.