Lukas 19:13 - A Nitana Vure

¹³ Lakea i gale valai a vora vona ala ravulu, i habi ne ria takutaku a moni dagi. Lakea i taki ria i ta maea, ‘Mu rata a leho vona a moni nga ge harena na tahuna ga hamule valai vona.’ Muri i vano.

Lukas 19:13 Iomraidhean Croise

Mateo 25:16

A viri i bole a moni gol i 5,000 i vano, i rata a leho vona, i vakabele tabu a moni gol i 5,000.

Mateo 25:20

A vora i habi a moni gol i 5,000 vona i bole valai tabu a moni i 5,000, i ta maea, ‘Bakovi dagi. Ra moni i 5,000 o habi nau, ngane a vakabele tabu a moni i 5,000.’

Mateo 25:22

“A vora i bole a moni i 2,000, ia tara i valai, i ta maea, ‘Bakovi dagi, ra moni i 2,000 o habi nau, a vakabele tabu a moni i 2,000.’

Mateo 25:24

“Muri a vora i bole a moni i 1,000 i valai, i ta maea, ‘Bakovi dagi, a lohoka vomu ioe a bakovi hateka. O mirio na hania i varo e huriki ranga.

Lukas 19:12

Lakea e Isu i taki ria i ta maea, “A bakovi dagi tara ta ge havai lakea na tanga basi, ni gi rata ge ia a hariki, muri ge hamule valai, ge matakari a harikianga.

Lukas 19:14

“Pali e huriki na tanga vona ri marikoi vona. Lakea ri rudu muri vona e huriki a vinuru, ri gi ta maea, ‘Mi marikoi vona a bakovi iea. Nahea ge ia a hariki ne mia.’

Ioanes 12:26

E huriki ri ngaru ge ria a vora nau, ri gi muri nau. Lakea bara ri made turagu na hini ga made vona. E Tata bara i kavurike e huriki ri rata a leho nau.”

Galesia 1:10

Pali mu luhoi navai, ra ngava a rata, a rata e huriki ri gi vivi nau, o a rata a Vure ge vivi nau? Mu luhoi navai? A toni ni rata e huriki a bakovi ri gi vivi nau? I uka. Iau bara rata mavonga, i uka ma ge iau a vora ne Kristo.

Iakop 1:1

A haro kamumu ne mua lobo. Iau, e Iakop, a vora na Vure, a vora ne Isu Kristo, a Bakovi Dagi ne hita. A herea a raukea iea i lakene ne mua, a kabu ne Israel i ravulu a polona i rua, ra mu pe a tanga ne mua, mu made viliha na tanga lobo na malala.

2 Petrus 1:1

Iau e Simon Petrus, a vora, a apos­tolo ne Isu Kristo. A herea a raukea iea i lakene ne mua e huriki a bakovi a ngatavine a Vure i rata mua mu luhoi torea e Kristo, i manga mia. Si luhoi torea e Isu Kristo, ra viri i korimule hita, ia a Vure, i malamala liu.