Lukas 18:13 - A Nitana Vure

¹³ “Pali a bakovi ni bole a takis i pesi basi, i uka ma i mata sike na hunu. I dodo hateka vona a hini ia a bakovi hale. I maruhu hateka, i ta maea, ‘Vure nau, o dodo iau a bakovi hale.’

Lukas 18:13 Iomraidhean Croise

A Nimariu 33:10

Bara ri pesi na matana kape ne ria, ri masia a bubu i pesi tabukoi na matana kape na Vure, lakea ri lolu ri kavurikea a Vure.

Mateo 10:3

E Pilip rua e Bartolemeus. E Tomas rua e Mateo (a bakovi ni bole a takis). E Iakop e tune Alpius, e Tadeus.

Mateo 6:5

“Na tahuna mu vasileki, naha ni rata manga e huriki a tabele rua. Na tahuna ri vasileki, ri pesi pololilo na roho na vaponga, o na harena dala, ri ngaru ni gi matai. A taki muholi mua, a mapane ria ri bole loboa pali.

Mateo 9:13

Mu vano mu luhoi kado taroa a nitana Vure iea: ‘I uka ma a ngaru a nihabi. A ngaru a rabu ni dodo.’ Iau a valai i uka ma ga gale mua e huriki mu luhoi ta mu malamala mu gu pulo a vilone mua. A valai ga gale e huriki ri naro hale ri gi pulo a vilone ria.”

Markus 11:25

Na tahuna mu vasileki, mu longovisi ranga naro hale ni rata virihi mua vona, mu lohopile, lakea e Tamane mua na hunu tara bara i puga a naro hale ne mua.

Lukas 17:12

Na tahuna i laho dili na tanga tara, i matai a bakovi ala ravulu. Re huriki a bakovi nga, ri pesi basi, a vuhuna i tuvu ne ria a patala.

Lukas 22:41

Muri i pe ria, i laho tala popote, i turume puru, i vasileki maea,

Lukas 23:48

Na tahuna e huriki ri vapopo ri matanono, ri matai a maki i bele, ri dodo hateka, ri hamule lakea na tanga.

Lukas 5:8

Na tahuna e Simon Petrus i masia a maki i bele maea, i turume puru tabukoi na vahane Isu i ta maea, “Bakovi Dagi, o ha nau. Iau a bakovi hale!”

Apostolo 2:37

Na tahuna e huriki ri longoa a ngavane Petrus, i padi a hatene ria, lakea ri nana e Petrus turana e huriki a apostolo ranga, ri ta maea, “Mua o huriki a turane mia, a ra mi gi ratea ngane?”

A Raukea e Paulus i Here Lakea ne Huriki a Rom 5:8

Pali a Vure i vakasiri i ngaru hateka hita. Na tahuna si tabana ni muri mai a naro hale, e Kristo i mate ni korimule hita.

2 Korin 7:11

Mu dodo na nidodo i valai na Vure, lakea i rata mua mu ngaru hateka ni vakasiri manga i uka ma mu tahoka a ngava vona a nimava iea. Mu tahate kamumu vona a maregoa i vakabele a bakovi iea. Mu mangenge hateka na maki i ratea. Mu ngaru hateka ni matai iau. Mu vakamadihi kamumua ra viri i vakabelea a maregoa iea. A maki lobo mu rata, mu vakasiri manga mu uka ngava vona a maki iea.

1 Timoti 1:15

A ngava i muholi hateka, e huriki ri gi longoa ri gi longo mai, i maea: e Isu Kristo i puru valai na malala ge korimule hita e huriki a bakovi hale. Iau kunana a viri a hale hateka.

Hibru 4:16

I mavonga, si gi lakea tabukoi na Vure. I made na gula hariki vona, i rata kamumu hita. Si gi lakea tabukoi vona, ge dodo hita, ge rata kamumu hita, ge tuhori hita na tahuna si bole a nimava.

Hibru 8:12

Ga dodo ria, i uka ma ga habi a nimadihi ne ria vona a naro hale ne ria. Ga longo kaburungi liu a vilo hale ne ria.’”