Lukas 17:30 - A Nitana Vure

³⁰ “Bara i mavonga kunana na tahuna a Tuna Bakovi ge hamule valai.

Lukas 17:30 Iomraidhean Croise

Mateo 16:27

A Tuna Bakovi bara i valai na bagetuanga ne Tamana turana e huriki a agelo vona, ge habi a mapa ne huriki takutaku, ge muri mai a narone ria.

Mateo 24:3

Na tahuna e Isu i mamade na lolo e Oliva, e huriki a murimuri vona ri valai kapiloho vona, ri nanea, “Ra maki nga, garika ri gi bele? Ge mata navai a kilakila muga ne ioe go bele, muga na nilobona parava?”

Mateo 24:37

A niluve na Tuna Bakovi bara i manga kunana a niluve na marungulolo hosi na tahuna e Noa i made na malala.

Mateo 24:39

Ri made manga manga kunana, muri a marungulolo i bele vakaturutu, ria lobo ri mate. Bara i mavonga kunana na tahuna a Tuna Bakovi i valai.

Mateo 26:64

E Isu i koli, i ta maea, “A ngava mu takia pali. Pali ngane ga vakalongo mua lobo, i vakatubu ngane mu gu masia a Tuna Bakovi i made na limana kanena na Viri i Tuhaka. Bara mu masia i pesi langa na bubu na hunu, i puru valai.”

Markus 13:26

“Na tahuna iea e huriki lobo bara ri masia a Tuna Bakovi ge valai na bubu turana nitora dagi, a nipara.

Lukas 17:24

Na tahuna a vila i maravila na hunu, i vakapalala a hunu lobo, mu masia. I mavonga kunana na tahuna a Tuna Bakovi i hamule valai, bara mu matakilalea.

Lukas 17:29

Pali na tahuna e Lot i ha taroa e Sodoma, i boru valai meli na hunu a kanono a bega i ratapile ria lobo.

Lukas 21:22

a vuhuna i bele muholi ngane a ngava ne huriki a propet hosi, ri here puru na hinere, a Vure ge koli a maka rabu hale.

Lukas 21:27

Ngane ri gi masia a Tuna Bakovi i valai na bubu, i valai turana nitora a nipara dagi.

1 Korin 1:7

Ngane mu davea a Bakovi Dagi ne hita, e Isu Kristo, ge hamule valai, i uka ma mu bala vona tara bagetua na Vure.

1 Korin 1:8

Ge tuhori mua, ge vano ge harena na nilobona parava, mu gu malamala na tahuna a Bakovi Dagi ne hita, e Isu Kristo ge hamule valai.

Kolosi 3:4

E Kristo i rata hita si mahuri. Na tahuna ge valai tabu, bara mu pesi turana na bagetuanga vona.

1 Petrus 1:13

I mavonga, mu luhoi kamumu, mu matakari a nilaho ne mua. Mu pasimata vona a naro kamumu a Vure ge rata virihi mua vona na tahuna e Isu Kristo ge hamule valai, ge bele kavakava ne huriki lobo.

1 Petrus 1:7

Mu gu bole taro a nimadihi na nitoni legelege, ge vakasiri mu luhoi tora muholi. A gol a maki i uka ma ge tabuli vakaroro. Pali ia tara, ni toni na kanono. I mavonga, a niluhoi ne mua, ra i dagi hateka na gol, ni gi toni taro, ge tabuli tabaka. Na tahuna mu bole a nitoni, pali mu pesi tata ni luhoi tora, bara ni kavurike mua, bara ni vakabagetu mua, bara ni togo mua na tahuna e Isu Kristo i bele kavakava.

1 Petrus 4:13

Na tahuna ri bele, mu vivi, a vuhuna mu bole a maregoa i manga e Kristo i bole a maregoa. Muri bara mu vivi hateka na tahuna a bagetuanga vona i bele kavakava.

1 Ioanes 2:28

Mua e huriki e tugu, mu rihi e Kristo. Mu rata mavonga, i uka ma mu gu maruhu na tahuna ge hamule valai.

1 Ioanes 3:2

Mua e huriki a turagu, ngane hita e huriki a tuna Vure. I uka ma si lohoka vona a kakaine hita ge mata navai muri ma. Pali si lohoka vona a ngava nga: na tahuna i hamule valai, bara si mapulo, si manga ia, a vuhuna si masia na matane hita, i mata navai.

Kapiloho 1:7

Mu longo! I popote ge valai na bubu. E huriki lobo ri gi masia. E huriki ri rabalakia, ria ranga ri gi masia. E huriki a kabu lobo na malala ri gi masia, ri gi duku. Ge bele mavonga. I muholi.