Lukas 17:25 - A Nitana Vure

²⁵ Pali muga e huriki lobo mona bara ri tepua, bara i bole a nimadihi i kupo.

Lukas 17:25 Iomraidhean Croise

Mateo 16:21

Na parava iea e Isu i vakatubu ni vaka­longo e huriki a murimuri vona, ne ia ge sike o Ierusalem, ge bole a nimadihi i kupo na limane huriki a gare na lotu, a prister dagi, a mari na vinara na lotu. Muri bara ri rabalakia. Pali muri na parava i tolu, bara i mahuri mule.

Mateo 21:42

Lakea e Isu i taki ria, i ta maea, “A ngava ni here puru na Hinere, i maea, ‘Ra kedo e huriki a mari ni hae a ruma ri marikoi vona, ngane i bele a vuhu kedo ni hae a ruma vona. A rabu iea, e Bakovi Dagi i ratea, i mata kamumu hateka na matane hita.’ “Ra mua, mu longo pali a ngava iea, o i uka?

Markus 10:33

I taki ria i ta maea, “Mu longo. Ngane si gi sike o Ierusalem. A Tuna Bakovi bara ni habi na limane huriki a prister dagi, a mari na vinara. Bara ri taki ia ni gi rabalaki, muri bara ni habi lakea ne huriki a bakovi i uka ma ria a Iuda.

Markus 12:10

Pali i uka ma mu gi hosi ra ngava i tabuli na Hinere? I ta maea, ‘Ra kedo e huriki a mari ni hae a ruma ri marikoi vona, ngane i bele a vuhu kedo ni hae a ruma vona.

Markus 8:31

Muri e Isu i vakatubu ni vara ria na Tuna Bakovi bara i bole a nimadihi i kupo. E huriki a gare, a prister dagi, a mari na vinara bara ri marikoi vona. Muri bara ri rabalakia. Pali muri na parava i tolu, bara i pesi rike mule na matenga.

Markus 9:31

a vuhuna i tovo e huriki a murimuri vona. I taki ria, i ta maea, “A Tuna Bakovi bara ni habi na limane huriki a bakovi, ri gi rabalakia. Muri na parava i tolu bara i pesi rike mule na nimate.”

Lukas 18:31

E Isu i tuli lakea na gaga a murimuri vona ala ravulu a polona i rua, i taki ria, i ta maea, “Ngane si gi sike o Ierusalem, lakea a ngava lobo e huriki a propet ri here puru virihi mai a Tuna Bakovi bara i bele muholi.

Lukas 18:33

ri hotua, muri bara ri rabalakia. Muri na parava i tolu, bara i pesi rike mule na matenga.”

Lukas 24:46

Lakea e Isu i taki ria i ta maea, “A ngava ni here puru i taki e Kristo ge bole a nimadihi taro, muri na parava i tolu ge pesi rike mule na matenga.

Lukas 9:22

“A Tuna Bakovi bara i bole a nimadihi i kupo. E huriki a gare, a prister dagi, a mari na vinara bara ri marikoi vona, ri rabalakia. Muri na parava i tolu bara i pesi rike mule na matenga.”

Ioanes 1:11

I luve ne huriki a viri vona, pali i uka ma ri taguia.

Ioanes 12:38

ge bele muholi a nitana propet e Isaia i here puru hosi, i ta maea, “Bakovi Dagi e rei i longo mai a ngava mi taki ria vona? E Bakovi Dagi i vakasiri ne rei a nitora vona?”