Lukas 16:9 - A Nitana Vure

⁹ I mavonga, a taki mua, mu hatebalala, mu habi lae a mahala ne mua, lakea e huriki bara ri ngaru a vilone mua. Muri, na tahuna i lobo a mahala, bara mu tahoka a tanga meli na hunu mu gu made vona vakaroro.

Lukas 16:9 Iomraidhean Croise

Mateo 19:21

E Isu i koli, i ta maea, “Ioe bara o ngaru ni malamala na matana Vure, o vano o habi a maki lobo vomu ni gi kona. O bole a mapana o habi ne huriki a matasia, bara o tahoka a mahala na hunu. Muri o valai o muri nau.”

Mateo 6:19

“Naha ni ru kadolu a mahala na malala. Koea na malala a madume, a dedu bara ri ratapile a mahala ne mua, a bakovi na panahoa bara i dili i panaho.

Mateo 6:24

“I uka tara viri ge vora na bakovi ala rua, a vuhuna bara i koi vona tara, i ngarua tara. Bara i habi a hatena na bakovi tara, i biu a bakovi tara. I uka tara viri ge vora varago na Vure, a moni.

Lukas 11:41

Pali bara mu kori e huriki a matasia na hatene mua, bara mu kabakaba na matana Vure.

Lukas 12:33

Mu habi a maka mahala ne mua ne huriki a matasia, lakea bara mu tahoka a mahala meli na hunu. A mahala meli i uka ma ge matutu, i uka ma ge lobo, i uka ma ni gi panaho, i uka ma ge kani a kuruve.

Lukas 14:14

Re huriki a bakovi maea bara ri keri ni koli a limamu. Ra i mavonga bara o vivi, a vuhuna a limamu bara ni koli na tahuna e huriki a bakovi kamumu bara ri pesi rike mule na nimate.”

Lukas 16:11

I mavonga kunana, mua i uka ma mu matakari kamumu a mahala na malala, i uka tara viri ge luhoi mua mu gu matakari kamumu a mahala muholi.

Lukas 16:13

“A vora i uka ma ge vora na bakovi ala rua, a vuhuna bara i koi vona tara, i ngarua tara. Bara i habi a hatena na bakovi tara, i biu a bakovi tara. I uka tara viri ge vora varago na Vure, a moni.”

Lukas 16:4

A luhoi ngane a maki ga ratea na tahuna ga lobo na leho. Bara ratea tara naro, lakea e huriki a bakovi bara ri vivi ni matakari iau na ruma ne ria.’

Apostolo 10:31

I taki iau, i ta maea, ‘Kornelius, a Vure i longo pali a nivasileki vomu, i matai a hini o kori e huriki a matasia vona.

Apostolo 10:4

Lakea e Kornelius i mangenge hateka, i matanono tamoroa, i nanea, “Bakovi Dagi, i navai?” A agelo i koli, i ta maea, “A Vure i longo a nivasileki vomu, i matai a hini o kori e huriki a matasia, i vivi vomu.

2 Korin 4:17

A maka maregoa a bole na parava i popote ngane, i uka ma a maki dagi hateka, a vuhuna i rata puru nau a bagetuanga i dagi hateka, ge tabuli vakaroro. A bagetua nga ri rangi hateka a maka maregoa a bole ngane.

Iuda 1:21

Mu luhoi vakaroro a hini a Vure i ngaru hateka mua. Mu davea a nidodo ne Isu Kristo, a Bakovi Dagi ne hita. A nidodo vona i habi ne hita a nimahuri vakaroro.